羅渣士讚副隊長加歷查職業態度

利物浦專區 於 20/09/2012 發表 收藏文章
facebook page:利物浦專區


聽晚凌晨一點,利物浦歐霸作客對瑞士年輕人,係隊長謝拉特,蘇亞雷斯等主力缺陣既情況下,副隊長加歷查將會成為利物浦"青年軍"既隊長率隊出征。

羅渣士表示,係見到加歷查每日都咁努力訓練,仲將佢排除係英超首發名單外係佢工作中最難既決定。




依家利物浦既主力中堅組合係史克迪爾同艾加,34歲既加歷查已經在逐步淡出舞台,但係無影響到加歷查每日返到利物浦勤勤懇懇訓練。

羅渣士話:“對我黎講,佢(加歷查)係我工作中最難既決定,因為佢每日黎訓練都會竭盡全力,好似咁樣既球員我真係好想比佢係關鍵既比賽入面上場。”




羅渣士:“當我岩岩黎利物浦果時,我同加歷查認真傾過一次,佢當時未肯定佢既職業生涯要去到邊到,佢直到上季仍然係球隊既主力,但係我比佢係場上場下既表現打動,我認為佢可以繼續踢落去,佢係利物浦既靈魂之一,呢到肯定會留有佢既位置,至於佢想唔想留係到就係另外一回事,我知道人地批評佢只係識長傳.但佢就係我地技術最好既球員,左腳、右腳都可以用、控球、閱讀比賽、戰術智慧,佢擁有一切,或者佢對腳唔似6,7年前咁靈活,但係佢仍舊可以為球隊貢獻好多。”
標籤: 利物浦  

留言


請按此登錄後留言。未成為會員? 立即註冊
    快捷鍵:←
    快捷鍵:→