弊傢伙!重傷難治,韋根中止借用利物浦門將

較早前,《利物浦迴聲報》報導,利物浦上季嘅後備龍門阿當保丹,因為膝頭受重傷,俾韋根中止借用,呢位匈牙利球員依家正準備緊返去紅軍療傷。

喺韋根出戰班士利嘅比賽入面,阿當保丹不幸重傷,令到右邊膝蓋嘅十字韌帶撕裂,預計需要休息至少9個月嘅時間。

據了解,阿當保丹喺開季前,被利物浦借去韋根踢一季,但由於重傷嘅關係,呢支英冠球隊決定解除借用合約,將呢位匈牙利龍門送返晏菲路。事後,踢過保頓嘅阿當保丹表示,自己會以一個更強大嘅姿態回歸。

標籤: 阿當保丹  

留言


請按此登錄後留言。未成為會員? 立即註冊
  • leglessbird 於 22/11/2016 評論 NO. 1

    點解傷咗就咁就可以還返比人 掉轉如果利記傷哂啲龍門 又可唔可以隨時係無任何條件下 收返借出嘅球員

快捷鍵:←
快捷鍵:→