將會喺7月19、22日舉行嘅英超亞洲盃賽事，門票今午2時開售。雖然賽會較早前喺記者會上宣佈，各大球迷可以利用網上嘅售票系統購買門票，但依然有數之不盡嘅球迷，選擇親訪門市購票，其中包括一位名叫「沙律」嘅女球迷。
喺接受訪問個陣，「沙律」表示自己喺尋晚嘅11、12點左右（6月1日），已經喺將軍澳東港城嘅售票點排隊，為嘅只係自己熱愛足球嘅男朋友。
言談間，「沙律」唔只透露自己並非球迷，仲承認自己選擇排足15個鐘嘅原因，就係希望男朋友可以開開心心咁，喺現場度觀賞英超球隊嘅競技，真係一位「廿四孝女友」！
隨後，記者問「沙律」，最期待邊一位嘅英超球星，「沙律」就一瞼害羞咁答：「其實我唔係好識……」
當然啦，女孩子對足球唔太熟悉呢，其實絕對係可以理解嘅，但係喺唔熟足球，又唔係球迷嘅情況下，「沙律」都肯通宵達旦咁為男朋友排隊買飛，呢一種就係愛啦，哈利。
幾年前，各位男士都係希望喺自己嘅一生入面，能夠搵到一位可以同自己捱麥記嘅女人，但係「沙律」出現咗之後，相信廣大嘅男球迷，都希望搵到一個肯幫自己排通宵買波飛嘅女人。
最重點嘅唔只係「沙律」願意為男朋友通宵排隊，而係佢願意配合男朋友嘅喜好，唔單止親自去買飛，仲準備同男朋友一齊入場，睇自己唔太了解嘅足球，呢一種女仔真係冇得彈！
值得一讚嘅係， 「沙律」好醒目咁知道透過網上買飛，一定會禁爆F5，個系統又隨時會癱瘓，所以寧願自己辛苦少少，都選擇親自去到售票處購票，認真叻女，又抵得諗！
喺報導出街之後，有唔少嘅網友都大讚「沙律」係一位絕種好女友，仲大嘆自己點解搵唔到一位咁肯為自己付出嘅女孩子；另一方面，亦都有網友表示，位男朋友好唔要得，為咗自己嘅開心，而要女朋友通宵排隊。
計我話，感情冇絕對嘅啱或錯嘅，最緊要都係識得珍惜對方、互相遷就。既然另一半願意為自己嘅喜好而付出，作為男朋友嘅，都要好好咁對人地啦。
【英超亞洲盃】為男友排足15個鐘買飛 有一種愛叫「沙律」
http://hk.apple.nextmedia.com/realtime/sports/20170602/56774024
喺接受訪問個陣，「沙律」表示自己喺尋晚嘅11、12點左右（6月1日），已經喺將軍澳東港城嘅售票點排隊，為嘅只係自己熱愛足球嘅男朋友。
言談間，「沙律」唔只透露自己並非球迷，仲承認自己選擇排足15個鐘嘅原因，就係希望男朋友可以開開心心咁，喺現場度觀賞英超球隊嘅競技，真係一位「廿四孝女友」！
隨後，記者問「沙律」，最期待邊一位嘅英超球星，「沙律」就一瞼害羞咁答：「其實我唔係好識……」
當然啦，女孩子對足球唔太熟悉呢，其實絕對係可以理解嘅，但係喺唔熟足球，又唔係球迷嘅情況下，「沙律」都肯通宵達旦咁為男朋友排隊買飛，呢一種就係愛啦，哈利。
幾年前，各位男士都係希望喺自己嘅一生入面，能夠搵到一位可以同自己捱麥記嘅女人，但係「沙律」出現咗之後，相信廣大嘅男球迷，都希望搵到一個肯幫自己排通宵買波飛嘅女人。
最重點嘅唔只係「沙律」願意為男朋友通宵排隊，而係佢願意配合男朋友嘅喜好，唔單止親自去買飛，仲準備同男朋友一齊入場，睇自己唔太了解嘅足球，呢一種女仔真係冇得彈！
值得一讚嘅係， 「沙律」好醒目咁知道透過網上買飛，一定會禁爆F5，個系統又隨時會癱瘓，所以寧願自己辛苦少少，都選擇親自去到售票處購票，認真叻女，又抵得諗！
喺報導出街之後，有唔少嘅網友都大讚「沙律」係一位絕種好女友，仲大嘆自己點解搵唔到一位咁肯為自己付出嘅女孩子；另一方面，亦都有網友表示，位男朋友好唔要得，為咗自己嘅開心，而要女朋友通宵排隊。
計我話，感情冇絕對嘅啱或錯嘅，最緊要都係識得珍惜對方、互相遷就。既然另一半願意為自己嘅喜好而付出，作為男朋友嘅，都要好好咁對人地啦。
【英超亞洲盃】為男友排足15個鐘買飛 有一種愛叫「沙律」
http://hk.apple.nextmedia.com/realtime/sports/20170602/56774024
請按此登錄後留言。未成為會員? 立即註冊