《足球小將~ 決戰! DreamTeam》開Game 感想

人生勝利組 於 14/07/2017 發表 收藏文章
早兩日朋友介紹, 有隻關於《足球小將》既電話遊戲, 多少都因為情意結, 開左Game。玩左兩日, 覺得幾過癮, 同大家分享下。

遊戲入面有幾種唔同既玩法: 首先係Story Mode, 入面有幾種玩法。第一係大概係按原著, 循住故事發展去應付對手。呢個亦都算係入門級, 因為初期對手既能力值都係一萬以下。第二就係官方會推出限時既故事, 俾玩家去打, 贏左就會得到相關獎品。呢個相當重要, 因為你可以透過完成任務, 拎到D高Level既球員, 我就係度得到SSR 既辛坦拿喇。

除左Story Mode, 另一個玩法係League。對手來自世界各地, 而且實力相近。正常黎講, 每日可以打五場。贏波會得到高分同銅幣。分數同幣有乜用? 玩法一開始處於Division D, 一星期後累積分數擠進某個位置, 就獲得升班資格。幣就要儲黎換D高等級既球員。不過, 好難儲......


開Game時, 第一張Card 可以重覆咁抽, 抽到滿意為止。睇唔同攻略話最理想係抽到SSR 小志強, 我初頭都唔信, 揀左SSR 迪亞斯, 後來發覺一個高級前鋒真係好重要。因為隻GAME 開始時只得 N 級 或 R 級既前鋒 (例如小田、來興、龍一), 面對稍強既後衛同龍門, 入個波都難。而射門距離同角度, 又會影響入波機會, 結果打中場既迪亞斯, 要下下扭幾個先再射, 入得一兩球都用晒所有體力。初時場場都贏得1-0、2-0......次次都爭少少先拎到獎。灰左。幾經辛苦打贏任務, 得到SSR 辛坦拿, 入球當堂容易好多。

另外, 每得到50個彩波, 就可以抽十張球員卡。呢度就完全講彩數。我中左兩張SSR, 分別係德國門將迪打.梅拿同防守中場卡魯治, 兩個都好好用。尤其迪打.梅拿有一招A技同一招S技, 基本上等閒前鋒都射唔入。


依家升到Level7, 可以開連盟同朋友一齊玩 (其實都係自己玩, 不過用少左資源)。遊戲仲有好多可以探索既地方, 耐玩度幾高。今日有個史提芬.利雲既任務, 能力值最少都十萬 (我現時得六萬), 又想打又唔知點打。坊間包括unwire 同 Fami 都有呢隻Game既相關攻略, 有興趣不妨交流一下。


如果喜歡小弟既專頁, 或者想透過足球交個朋友, 可以俾個讚。
Facebook專頁:人生勝利組

如果喜歡我們的文章,請即分享到︰

標籤: 足球小將  手機Game  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→