【轉會風波】到底PSG如何才會被降班?

巴黎聖日耳門成為了夏季轉會窗其中一所收獲最大的球會,同時,它亦成功成為了今季其中一所最為人討厭的球會。土豪就是任性,卡塔爾投資局除了肯以足球界中前所未見的巨款吸納球星,更擁有足夠資源和影響力挑戰法規。而巴黎最新的技倆,就是向摩納哥「借用」麥巴比,而設立的買斷條款,只在一個情況下不會生效:如果巴黎下季被降班。球迷的眼睛是雪亮的,一眼就能看出這個條款只為避免侵犯財政公平競爭原則而設,巴黎不可能下季被降班…...對嗎?今天筆者就和大家探討一下巴黎到底如何才會有機會被降班至法乙。


打假波
可能會有人問,巴黎花了超過四億歐元打造最強陣容,用得著打假波嗎?首先,卡塔爾舉辦2022年世盃的資格亦是用錢收買得來的;另外,類似事件正正在法甲有發生過。歷史上,法國只產生過一個歐聯冠軍:1992/93賽季的馬賽,但這不是馬賽成為法甲傳奇的唯一原因。


當季,馬賽面臨一個重要的決擇:短短數天內有兩場決定性的賽事,到底馬賽要選擇法甲錦標,還是歐聯冠軍?而馬賽班主表:Why not both? 所以他就用錢收買了他們在法甲最後一個賽週的對手:即將被降班的華倫西恩斯(Valenciennes)。最後,馬賽雖然短暫地成為雙冠王,但最後仍然東窗事發,成為罕有被降班至法乙的衛冕球隊。巴黎貴為今季歐聯大熱,會否歷史重演?應該不會,卡塔爾的(枱底)商業智慧看來比馬賽高。但巴黎仍然要注意,因他們在這個轉會窗結怨不少,筆者可以想像魯營地底某處的一間密室裡,已經有一隊情報人員等著調查巴黎的一舉一動,巴黎稍有差池,巴塞就會投訴。Big Barça is watching you.



尼馬的憂鬱
尼馬在巴黎活得像一個神:要錢有錢,要豪宅有豪宅,要地位有地位,連獎盃和球迷的愛戴他亦不缺。但漸漸他發現,他並不快樂,他的生命裡好像缺少了甚麼……對,是陽光。


所以,尼馬決定跟班主商討一下。
「主席,我受夠呢啲天氣啦!我唔想再去甘岡、昂熱嗰啲鬼地方踢波!」

(甘岡)

「咁尼馬,你想典?」(註)
「我想去科西嘉!」


「躉禾買左成個島俾你,幾多錢?」
「ehh…不如我地去嗰度踢波算啦。」
「但係,尼馬,科絲嘉果兩隊,都踢緊法乙喎」
「唔係我問題,我地一於落法乙啦主席!」


宙斯的憤怒
年輕的新任法國總統馬克龍曾用眾神之主宙斯來形容自己,他來到愛麗舍宮不但為了成為國家領袖,他還想恢復法國在國際舞台上的地位。


今季第一次升班至法甲的亞眠(Amiens SC),可能以為全因有同鄉馬克龍庇佑,但事實上,總統大人早已心有所屬。你可能會認為,馬克龍對馬賽表示支持只是公關手段,但他最近一次休假,並沒有選擇去聖特羅佩或科西嘉島等熱門富豪渡假地點,而是去了馬賽。


亦有傳媒紀錄馬克龍的競選活動時,拍下這個畫面:

(翻譯)
「X!第二次啦,X街!」
「咩事啊,老公?」
「馬賽又輸左俾摩納哥啦,仲要主場添啊!」


上星期,馬賽作客摩納哥再次大敗,看來總統先生今季要再次失望。如果十月巴黎再度攻破馬賽大門六次,或許馬克龍會一怒之下將巴黎班主阿勒卡拉非(Nasser Al-Khelaifi)趕出法國。


當然,上文只是個玩笑,用來於國際賽週替筆者解悶。如果有巴黎球迷感到被冒犯,我先在此致歉。雖說,「波係圓嘅」,連李斯特城成功以5000賠1的機率贏得英超冠軍。可是,法甲球隊以往取得大概40分就已經可以成功護級。如果巴黎在接著的34場法甲賽事中平均一場一分都得不到,歐洲足協應該會立刻展開調查。相信,即使由明天開始用尼馬守龍門,用麥巴比做中堅,下季應該仍能在法甲裡見到巴黎的蹤影。


(註)法國傳媒經常取笑來自卡塔爾的PSG班主有鄉音

(Inspired by: Sofoot.fr)

如果喜歡我們的文章,請即分享到︰

標籤: 法甲  巴黎  PSG  尼馬  麥巴比  FFP  

留言

會員
我要評論
請按此登錄後留言。未成為會員? 立即註冊
  • Parco Chau
    Parco Chau 於 04/09/2017 評論 NO. 1

    尼馬會由自己禁區扭到對面禁區

  • ceourdelion24
    ceourdelion24 於 05/09/2017 評論 NO. 2

    @Parco Chau Box-to-box goalkeeper😂

  • ceourdelion24
    ceourdelion24 於 05/09/2017 評論 NO. 3

    @Alson Law 呢樣野好巧妙,要經過多年時間部處:首先,你要係2017年搵到一個冇proofread冇發現自己打錯字嘅傻仔;And the rest is history.
    (已更正,唔該)

    @Soma Chan
    其實兩睇既:
    一黎,如果你愛隊一有少少成績就俾人分屍,買走哂D球員,咁你心入面都應該不是味兒嘅。
    二黎,球員買賣呢樣野好現實,價高者得,摩納哥副主席都認,佢地賣麥巴比去巴黎而唔係皇馬純粹睇錢份上。一個球員市價低過佢質素,可能只係因為未有人賞識佢,咁睇既話用低價買入佢嘅球會可能仲提拔左佢添。

    其實亦都有唔少人覺得PSG有違體育精神,就好似打機咁,你下下開cheat用無限金錢,咁玩嘅意義係咩?

  • eastcrazy
    eastcrazy 於 05/09/2017 評論 NO. 4

    最為人討厭的球會?頂盡咪得巴塞?!

  • ceourdelion24
    ceourdelion24 於 05/09/2017 評論 NO. 5

    @Walter Yeung 我愛隊個主席,係賣飛機餐的,所以話豪門既野,我識條鐵咩?😂其實暗啞底大部分法甲小薯仔都幾感激PSG帶起左成個法甲既,但既然有位入咪笑下佢地囉,反正人地攞硬冠軍架啦,唔好咁認真🤣

快捷鍵:←
快捷鍵:→