韓國球員「進軍」藝能界?!

韓國球員專區 於 14/07/2013 發表 收藏文章
近排韓國足球圈係韓國既藝能界曝光率愈來愈高!
首先係朴智星,佢係韓國既地位當然唔需要質疑
佢先前公開終於拍拖,戀上女主播
佢亦都積極發展佢既慈善基金,先前亦係上海搞左場友誼賽
仲趁機搵左佢既好朋友,曼聯既艾夫拿,一齊錄影韓國超人氣綜藝節目RUNNING MAN!
現任國腳具滋哲都有份拍一集RUNNING MAN架

朴智星依家已經番左去昆士柏流浪打熱身賽,暫時都未有消息佢會唔會離隊
下季可能英冠見喇!

朴智星降落英冠,李青龍又升唔到班
英超既韓國球員得番係威爾斯既既寄成庸同金甫炅
其中寄成庸趁暑假亦都結左婚,老婆係韓惠珍,演員加主持
韓惠珍係韓國娛樂界都有知名度,同埋佢地係姊弟戀兼拍拖少過一年!
女方亦表示會準備結束主持工作,去英國威爾斯定居!

事實上,韓國既退役球員亦逐漸進軍藝能界開展佢地既新事業
依家最出名既應該係2002世界盃打右後衛既宋鐘國
佢成名於MARK死費高,同埋係2002世界盃打足7場咁多分鐘既賽事
亦曾經外流荷甲既飛燕諾,但係因傷患最後要回家
佢退役後,玩過韓國版既舞動奇跡
但係依家令佢人氣大聲既,係佢參加韓國既人氣綜藝節目「爸爸,我們去哪兒」
令佢同佢個女依家都好出名
呢個節目仲播緊,大家可以去睇睇!

而其他既退役球員例如安貞煥等
都應邀參加韓國電視台既綜藝挑戰節目
似乎呢個都會係韓國球員退役後既令一出路!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→