池東沅 新利雲度夫斯基?!

韓國球員專區 於 18/01/2014 發表 收藏文章
講你都唔信
係新特蘭失意既前鋒池東沅,係1月17日前日才宣佈離開新特蘭
轉投上屆打過既德甲球會奧格斯堡
以為係永久轉會,點知昨日多蒙特宣佈池東沅會係夏天免費投效
真係幾不可思議!

季尾投效多蒙特,當然令人諗起佢會否係多蒙特認為皇牌射手利雲度夫斯基既替代品?!
多蒙特既體育總監就話佢可以打前線多個位置,係一個好好既免簽!
佢係英超當然係失意,2011年投效後上陣只24場,入2球及助攻2球
最令人記得當然係呢球主場對曼城既絕殺及比球迷激咀!

但係,池東沅係英超既數據始終都係唔好,而且新特蘭幾代領隊都重用
今季初迪肯尼奧有比機會,但佢亦打得好差
迪肯尼奧亦有公開批評佢對水晶宮場波因"避波"而失頭鎚黃金機會
以上季既下半季借去德甲奧格斯堡17場入5球既表現幫球隊成功護級
而且表現不俗,池東沅去德甲既決定希望係正確
而多蒙特亦因此機會係季尾免費簽下約滿新特蘭既佢
池東沅得22歲,身高近6呎2
以現時既記錄真係好難同多蒙特殺手利雲度夫斯基相比
希望以領隊高普既功力,可以幫到池東沅
佢將會係高普繼李榮杓後,第二位簽下既韓國球員!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→