巴西世界盃抽簽確定 韓國抽到中上簽

韓國球員專區 於 07/12/2013 發表 收藏文章
尋晚既巴西2014年世界盃抽簽順利完成
韓國抽左係H組,同組既對手種子隊係比利時
仲有另一歐洲隊俄羅斯,以及非洲既阿爾及利亞

事實上,呢條算中上簽
同組種子既對手比利時,當然係新扎既黑馬
不過,早前日本都可以係友誼賽作客贏比利時
韓國都未必冇可能
之但係韓國既實力依家一定不及日本
而韓國脆弱既防線,唔見得可以抵御賓迪基或盧卡古等前鋒
但總好過種子隊係逢戰必敗既南美球隊

出線既關鍵一定係對俄羅斯
呢場將會係五五波,或者四六波
早前韓國先係友賽輸比俄羅斯
而對手既教練係卡比路,令俄羅斯既穩定性提高
當然,俄羅斯最難估係佢地係大賽既表現係突然飄忽
所以,第一場波對俄羅斯拿下對手係出線關鍵

最後,非洲代表阿爾及利亞,可以話比其他非洲對手都弱
亦好彩冇係同檔次抽到南美球隊智利或厄瓜多爾
相對其他亞洲球隊,真係好簽
但係自己都要把握機會,始終韓國既實力近來都係不穩

至於假若出線,隔離組有德國葡萄牙加納美國
都係非常難打!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→