亞洲一代球王 朴智星宣佈退役!

韓國球員專區 於 14/05/2014 發表 收藏文章
韓國一代球星朴智星
今日宣佈退役,結束十多年既球員生涯!
一齊回顧下佢輝煌既球員生涯!

2002年世界盃,朴智星成名!
佢係分組賽贏葡萄牙場波一球成名!
最後亦幫韓國主場拿下第四名

其後,佢與李榮杓跟隨恩師希丁克前往荷蘭投班霸PSV
經過一輪適應後,佢係荷甲漸入佳境成為PSV主力
最令人記得,係佢係歐聯四強對AC米蘭既入球

05年,佢被費SIR睇中,加盟英超曼聯
漸漸打上主力,上陣205場入27球
佢多次被費SIR安排打重要既賽事
而佢既爛打踢法亦廣為球迷所認同
佢係效力曼聯既七季,贏過歐聯,英超等錦標!
亦曾經做過隊長!

2012年,朴智星被賣至昆士柏流浪
並被委任為隊長,但係QPR既戰績不好
佢亦成為被批評既對象
最後佢上陣25場冇入球,球隊亦降班
佢係哈利列納上任後亦已經冇隊長做

QPR降班後,朴智星被借回歐洲成名地PSV
係佢舊隊友高古既領導下,佢上陣23場入2球
對阿積士呢球成為佢係聯賽既最後入球
朴智星係完成最後一場聯賽後,雖未宣佈退休
但亦有同球迷道別,希丁克亦有觀戰

國家隊方面,佢上陣100場入13球
其中,佢係3屆世界盃(02,06,10)都有入球,係亞洲球員紀錄!
佢亦係國家隊既隊長,直至11年亞洲盃後退出國家隊

一齊重溫佢職業生涯精彩既入球!

佢係今日宣佈,因為膝傷持續,未能再應付多一季賽事
宣佈退役!
佢七月就會同獻花比佢既呢位前女主播金敏智結婚了!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→