[敗絮其外金玉其內的阿根廷]

K波說故事 於 01/07/2018 發表 收藏文章



31歲既美斯繼4年前既擦身而過, 今屆再次與世界盃冠軍拉唔上關係, 於分組賽吊鹽水般出線結果於16強被法國以4:3擊潰出局。而其實阿根廷今屆既陣容, 雖然未至於星光熠熠, 但進攻力卻是非常驚人, 可惜領隊森柏奧利卻選擇以敗絮其外既陣容出擊, 然而後備陣容卻變得金玉其內。今屆阿根廷選兵已經有一定爭議, 一直傳決賽敗家仔希古恩會被棄用, 又有強烈聲音要求將今屆於國際米蘭踢到曉飛既伊卡迪選入大軍之中, 再有一直係阿根廷正選門將既羅美路因傷退隊既羅生門事件。


最終今屆於祖雲達斯射入16個聯賽入球既希古恩入選, 於國米射入29個聯賽入球既高大前鋒伊卡迪卻被拒諸門外, 今屆於曼聯長任後備既羅美路因傷退隊。其實唔緊要, 因為仲有今屆於巴塞隆拿交出34個聯賽入球及12個聯賽助攻既球王美斯
https://youtu.be/nOXfNW9Oalw
於PSG交出11個聯賽入球及6個聯賽助攻既迪馬利亞。
https://youtu.be/24g4V1ZM4mE

於祖雲達斯攻入22個聯賽入球及5助攻既戴巴拿與其拍檔希古恩。
https://youtu.be/Ms5UspEGcko
於曼城交出22個聯賽入球既阿古路。
https://youtu.be/Kjxbw-nfJa8

以上進攻球員均為效力球隊主力及助球隊奪得17/18球季既聯賽冠軍。

結果森柏奧利於3場分組賽既賽事中, 未能有效運用以上進攻球員而且過份依賴美斯作為進攻重心, 棄用阿古路, 戴巴拿及希古恩分別只踢過不足一小時既比賽, 成功造出金玉其內既黃金後備陣容。


戰術上, 依賴美斯看似無可厚非, 但卻教埋對手點踢, 只要用超高壓迫或密集迫美斯出三閘線就已經將阿根廷既進攻力減半。或者森柏奧利想複製巴塞踢法但卻忘記巴塞既中場或前場都有唔少人幫到美斯手, 以前中場有沙維加小白, 前面有韋拿加山齊士(再早既伊度奧已經唔講住喇), 近既中場有拉傑迪同又係小白, 前場有蘇亞雷斯同尼馬/古天奴。阿根廷呢?頭2場肯用阿古路但卻配上25歲獨立隊年青球員美沙, 而美斯則退落10號位或右翼出現, 結果球隊仍然不斷尋找美斯, 依賴美斯, 最終頭2場分組賽錄得1和1負劣績, 第三場分組賽生死戰終於棄用美沙, 用回迪馬利亞及希古恩, 後備再用阿古路最終由盧祖絕殺尼日利亞先可以出線, 戴巴拿繼續睇波。

16強對法國, 森柏奧利索性踢美斯做9號位, 迪馬利亞卻配上22歲小保加既新人柏禾, 最終美斯又係經常俾人迫到出三閘線拎波, 咁中間咪無人接應囉, 可憐仲見到2閘走去出高波傳中去無人地帶, 此刻掛念伊卡迪。最終66分鐘先肯換阿古路入黎, 以為有機會見到戴巴拿解放下美斯, 最終柏禾不見了, 美沙卻回來, 就係咁.....阿根廷雖然於補時追近比數至4:3(咪就係由美斯助攻阿古路入波囉), 結果就這樣出局了。

擁有金玉的進攻陣容, 卻被森柏奧斯達至敗絮的排陣。就這樣, 將美斯的世盃夢, 說說再見。


鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY

留言


請按此登錄後留言。未成為會員? 立即註冊
    快捷鍵:←
    快捷鍵:→