2017/18歐冠杯決賽 - 皇家馬德里 V 利物浦
開賽日期及時間: 5月26日(27日凌晨) - 02:45
皇家馬德里方面: 由於季中當時於西甲已被巴塞拋開十幾分, 施丹已表明今季目標為歐冠杯冠軍, 實現三連霸, 結果又俾施丹做到, 帶到皇馬行到決賽, 現時睇下球隊上下有無力行埋呢一步喇, 當然最重要都係睇C朗既狀態啦, 而賓斯馬都應該會正選登場, 雖然佢低調, 但有時向重要關頭就會出招。巴爾方面未知可唔可以爭得到個正選不過即使後備登場都有一定殺傷力, 後防方面就要睇下拉莫斯同華拉利喇, 其實門將既拿華斯都幾好身手架。
利物浦方面: 一步一步咁黎到決賽, 加上隊中有今季踢到識飛既沙拉, 似乎真係有黑馬贏埋個歐冠之勢, 最重要當然係法明奴同埋文尼可以幫到沙拉令佢好多單對單既機會, 進攻有信心, 後防都唔弱, 雲迪克加盟後高空波殺晒, 而門將既卡里奧斯都有唔錯既表現, 米勞列已經無得鬥, 加上賽前有安尼簡被揀入大軍, 呢位經驗豐富既德國中場絕對可以幫到利記於中場既穩定性。
K波預估戰況: 利物浦雖然有氣勢, 不過皇馬大賽經驗豐富, 而且陣中可以改妏戰局球員唔少, 反觀利物浦只有沙拉同文尼有此能力, 相信會係一場幾好睇既比賽不過仍然覺得皇馬佔優一點。利物浦要贏就必須要唔好貪勝不知輸, 係咁攻而先失一球, 因為佢地一失波, 皇馬就可以淡淡定黎踢加上C朗既反擊力, 會係非常難踢, 反而利記試下穩守再踢突擊可能仲有計仔。
K波預估賽果: 皇家馬德里 V 利物浦 - 3:1
回顧上次2隊碰頭既片段啦:
https://www.youtube.com/watch?v=631nzQpgjNU
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊