2017/18英格蘭超級足球聯賽第三十二周賽事 - 車路士 V 熱刺
開賽日期及時間: 4月1日晚上 - 23:00
車路士方面: 干地所受既壓力相信唔係人人諗到, 除左一眾之前教過車仔既領隊外, 不過干地係醒目佬黎, 一早放風話番意大利國家隊教波都係唔錯選擇, 鋪一鋪條後路先。而其實車路士向干地教既呢2季唔算差架, 最少上季以壓倒性贏聯賽冠軍, 但今季一多線發展即刻瀨野咁解。球隊陣容上, 前鋒用銀河唯一好似俾莫拉達仲好, 令夏神發揮機會仲多, 而季初被棄用既韋利安都重新上位成功, 中後場方面都算穩定人腳, 只係基斯甸臣久唔久有D波瘟發下囉, 後生仔, 係咁架喇。
熱刺方面: 歐冠意外輸俾祖記出局, 少少意外啦, 大好形勢架, 聯賽又要爭前四, 雖然現時都有DCUSHION位向手, 不過一場波3分, 5分領先住車仔其實輸呢場就淨番2分架喇, 而最慘係主力前鋒哈利簡尼受傷個幾月, 得番孫興敏同埋雪耐左既洛蘭迪, 現時只好希望阿里可以快D踢番起個態啦, 中後場方面其實同車仔都幾似, 穩定既人腳不過迪亞久唔久發下波瘟咁
K波預估戰況: 現時2隊波既情況一樣, 歐聯出局, 爭前四, 足總杯入到4強, 所以2隊波都係不容有失, 不過車仔既干地就更加喇, 因為油王如果下季無歐聯踢, 唔講得笑, 隨時幫干地變濕地架。熱刺方面既第四位就穩陣D, 現時領先緊5分, 即係話呢場波唔輸俾你就無事, 最大問題就係無左哈利簡尼, 好彩孫興敏又快又FIT, 如果阿里都踢得番個狀態, 車仔後防都有排驚, 當然銀河唯一都唔少野, 加埋夏世三就更加危險, 不過洛里斯同古圖斯2位都係穩定派門將, 1:1喇, 打和........SUPER!
K波預估賽果: 車路士 V 熱刺 - 1:1
回顧上季熱刺作客史丹福橋既片段啦:
https://www.youtube.com/watch?v=kZj2qy2_doA
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊