2017/18英格蘭超級足球聯賽第二十九周賽事 - 曼城 V 車路士
開賽日期及時間: 3月4日(3月5日凌晨) - 0:00
曼城方面: 連續2場面對阿仙奴均派3蛋, 而且哥帥換人得宜, 令一眾主力有得踢, 後備入替又有得發揮下繼續贏波, 而且聯賽方面再次有16分既差距, 失分空間多到爆, 後顧既歐聯次回合又唔成問題, 今場可能繼續派強陣出擊, 辛尼, 迪布尼, 阿古獸都向最佳狀態, 施華則可能休息下, 250經過休一休息後今場可能又爆發, 而且後備仲有耶穌仔添, 後防方面艾達臣越踢越有態, 一條後防線都越黎越穩陣而且丹尼路都開始多左上陣機會, 睇黎呢場波攻銳守亦穩。
車路士方面: 干地於奧脫福被曼聯反勝, 相信心裡一定不是味兒, 而且佢下台壓力都唔細, 歐聯隨時被巴塞踢出局, 聯賽現時又排得第五位, 如果呢場有咩閃失, 想追前四又難左, 夏神被換出可能因為留力呢場, 韋利安又狀態大勇, 只係柏度及法比狀態麻麻, 而其實後防線都算平穩, 只要基斯甸臣唔好玩野派膠就得喇, 不過問題最大始終都係9號位既中鋒位, 摩拉達俾唔到人信心, 銀河唯一有實力但卻只成後備, 到底呢場波干地會點排個鋒線陣都相當重要。
K波預估戰況: 曼城有主場之利而且班波越踢越順, 不過球隊有失分空間, 球員可能久唔久玩野都唔出奇, 而車仔則帶著一定壓力去踢而且作客既情況下, 進退失據, 重要都係睇干地諗住以1分定3分為目標, 不過呢場波車仔點都要穩陣唔好輸先, 2邊門將都可以俾到人信心, 和波SUPER啦!
K波預估賽果: 曼城 V 車路士 - 1:1
回顧上季車路士作客曼城既片段啦:
https://www.youtube.com/watch?v=9QYY9ae2SYA
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊