阿仙奴由雲加帶領下, 近年最強最威要數到2003/4球季, 以全季不敗紀錄奪英超冠軍, 而且不敗紀錄更達至跨季49場。當時球隊陣容強勁, 門將有列文, 後防有A高, 基昂, 高路托尼, 中場有基拔圖斯華, 韋拉, 進攻有亨利, 皮里斯, 龍格保, 柏金, 該季亦拿下足總盃, 不過此後, 球隊便從高峰慢慢滑落, 老將慢慢退下來, 當家球星包括亨利於2007轉會巴塞等等, 雲加亦因為球會經濟, 建新球場要還債等等問題, 從而以經濟原則為主的政策, 採用年青球員為主, 更不時以低買高賣的方針令球會年年賺錢。
https://www.youtube.com/watch?v=B3kLBaEg9-I
雲加一直表示下季便是收成期的言論, 為阿仙奴球迷帶來希望, 阿迷一直在等重燃2003/4球季輝煌既戰績。不過近年除左"收成期"言論, 更出現"賣隊長"情況, 每季隊長將於下季被出售包括高路托尼, 法比加斯, 雲佩斯, 華美倫等等, 同期又出現"離開阿仙奴的下場"被其他球隊球迷所譏諷, 標題看似譏諷球員離開阿仙奴後多會出現不好的結果, 但卻反而奪冠, 包括亨利, 艾迪巴約, 法比加斯, 拿斯尼, 雲佩斯, 華美倫, 沙格拿, 基歷治等等。
不過雲加一於少理, 幼齒方案繼續, 而且踢法進取, 能取悅球迷, 結果曾獲得英超巴塞之稱號, "曾"係因為現時此稱號已被曼城取代了.......但雲加每季都向季尾帶到隊波爭取到前四位置踢到歐聯, 免得球會收入大減加上繼續引到想踢歐聯既球星黎, 包括辛迪卡蘇拿, 高斯尼等等有潛質球員, 而且雲加都開始明白純幼齒不行下, 都開始引入有經驗球員, 特別搵D球會不受重用但實力唔弱既球員包括山齊士, 奧燒, 施治等等。可惜球隊隊醫有問題, D球員成日傷而且傷得好耐, 卡叔卡蘇拿仲醫左成年都未出得番, 隨時要掛靴添............而雲加都知球員同球迷既容忍度已經去到底線, 即刻衝杯賽, 近5年3奪足總杯冠軍, 阿迷同球員都有D野落下袋先。
可惜有D野真係唔呃得人, 踢得歐聯更係想贏啦, 但每季去到16強就止步, 仲要俾巴塞, 拜仁呢D隊黎玩, 雖然次次向次回合都可以差DD反CUP對手, 獲得光榮出局之稱號, 不過上季被拜仁大炒左獲金既, 2回合計輸10-2出局。
https://www.youtube.com/watch?v=k9DcA2phCUg
唔止咁添, 季尾只得第五攪到相隔N年無得踢歐聯, 結果今季只得歐霸去爭, 但摩連奴上季就用歐霸呢條路入到歐聯, 雲加更想有樣學樣, 又俾佢引到拿卡鍚迪返黎踢, 不過其實球隊內部既球員已經忍唔到喇.............
張伯倫向季初被利記炒完5:0就轉會對家, 不過仲有一堆球員季尾完約包括山齊士, 韋太子, 黑碧, , 如果唔續約就可以自由身走人, 有見及此, 今個冬季轉會窗就開始散貨, 16歲就黎阿仙奴既禾仔向狀態一直踢唔上既情況下以20M鎊去左愛華頓。
山齊士應該差不多就去曼聯, 韋太子雖然獲得新約, 但待遇真係同其他列強既後備球員無咩分別, 而且不受重用既銀河唯一亦有可能離隊他投爭世界杯一席位, 季中隨時都有幾位主力唔見左人, 而且以目前阿仙奴既士氣同狀態, 下季有無歐聯都成問題, 唔通真係要靠歐霸冠軍呢條路? 不過今季歐霸有馬體會, 多蒙特等等強隊, 其實同歐聯唔差得好遠, 如果下季又無歐聯, 點引到球星黎呢?
唔好忘記仲有位球隊星級球員將會約滿, 佢就係奧燒而且仍然未續約, 有傳都好大機會免簽去曼聯, 比爾連成日想去巴塞, 阿仙奴係咪星散中? 拿卡鍚迪係咪上左賊船? 其實如果球隊連續2季無歐聯..........雲加下季仲向唔向球隊都成問題喇!
此時此刻, 諗起..............
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊