2017/18英格蘭超級足球聯賽第二十三周 - 利物浦 V 曼城
開賽日期及時間: 1月7日(1月8日凌晨) - 00:00
利物浦方面: 古埃及文明無左個古, 但係今季利記最光最亮唔係古天樂, 而係沙拉, 只要仲有佢向度, 真係唔洗怕, 之前因傷缺陣一段時間, 今仗重要賽事係時候出番黎喇, 後防方面多左雲積克, 地標戰即入波加絕殺同市死敵愛華頓, 利記可能到呢一刻都仲開心緊添, 唔好俾佢停, 今場繼續黎。
曼城方面: 今季仍然能力保4線既英超隊唔多, 而其中英超呢一項已經拎左大半隻杯架喇, 足總杯反勝般尼, 聯賽杯首回合又贏左布里斯托城, 又係絕殺, 今季既曼城最後15分鐘真係恐怖到嚇死人, 雖然耶穌應該都會繼續養傷, 不過阿古獸, 迪布尼, 250, 施華已經夠照有餘, 如果阿仙奴既山神都歸位, 攻力堅恐嚇, 不過後防方面, 粒石仔連續2場犯錯真係不如收起佢先啦, 艾達臣休息左2場都可以出番黎踢喇。
K波預估戰況: 雖然曼城今季真係超晒班, 不過利記今季既攻力都好恐怖, 加上主場已經好多場未輸過, 今場係時候俾D顏色曼城睇下, 而曼城雖然繼續贏波, 不過見到已經有D轉勢, 只係仲打緊道氣, 一旦洩左就比較麻煩, 始終曼城攻強守較弱, 而利記最叻就係打反擊, 食正條水喇掛。唔好忘記, 首輪作客利記大敗5:0, 呢個仇, 點都要報喇......特別係張伯倫先生。
K波預估賽果: 利物浦 V 曼城 - 3:2
回顧上一季紅軍主場對曼城既片段啦:
https://www.youtube.com/watch?v=FX8M4U7dZr8
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊