2017/18英格蘭超級足球聯賽第二十二周 - 阿仙奴 V 車路士
開賽日期及時間: 1月3日(1月4日凌晨) - 4:00
阿仙奴方面: 球隊上仗無左基奧特, 而且被西布朗意外迫和1:1又再失分, 今場已經無失分空間, 否則下季又要與歐霸為目標架喇, 山神雖然仲未知前路, 但以佢既專業都會搏盡, 拿卡錫迪其實表現都幾好, 反而後防上仗意外輸左球12碼, 哥斯尼同施治要睇實D條防線先得喇。
車路士方面: 自季初有一段低潮期後, 車仔唔聲唔聲走到上黎過埋曼聯頭去第二位, 其實佢地都有好一段時間無輸過波喇, 摩拉達表現非常穩定, 只有配合到夏神同近期回勇既柏度及韋利安, 攻力夠照。防守上一直都穩陣架喇, 艾斯比烈古達繼續成為後防大將, 而且基斯甸臣呢個後生仔都有好表現, 古圖斯目前不失場數都有11場架喇。
K波預估戰況: 阿仙奴近期遇到前列對手表現反而更好, 對住曼聯攻到頭暈, 如果唔係遇到迪迪仔應該會炒曼聯一鑊, 今次主場對車仔, 仲要係倫敦打比, 應該都會係咁攻, 不過車路士既反擊都好勁, 始終夏神近季取代杜奧巴成為阿記剋星, 今場阿記應該會打爭氣波, 不過只能險勝!
K波預估賽果: 阿仙奴 V 車路士 - 2:1
回顧上一季兵工廠主場迎戰車仔既片段啦:.
https://www.youtube.com/watch?v=U1CTfz8atcA
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊