2017/18英格蘭超級足球聯賽第十九周 - 阿仙奴 V 利物浦
開賽日期及時間: 12月22日(12月23日凌晨) - 3:45
阿仙奴方面: 周中要踢場聯賽盃, 結果韋碧甩一箭定江山帶領球隊入4強, 可惜既係銀河唯一勇戰受傷, 預計將難出戰今場大戰, 無左銀河唯一, 好彩都仲有奧燒同山神, 而且已經適應英超既拿卡級數都有番咁上下, 攻力影響不大, 防守上哥斯尼同施治繼續穩定後防就淡淡定。
利物浦方面: 聯賽盃被李城踢出局, 反而變相多左幾日休息, 古埃及文明呢四大攻擊手可以做好準備出擊, 不過講黎講去既利記最大鑊都係後防, 好彩上場路夫雲入左球波, 希望可以將信心帶番做防守果度, 米勞列今季已慢慢擺脫左炸彈門將既名字, 而且腳法都好似唔差添。
K波預估戰況: 利記既古天樂同沙拉FIT到漏油, 面對阿仙奴既後防應該入到波, 不過山神同奧燒都唔講得笑, 對住利記班豆腐渣後防入波又係唔難, 結果咪對攻再對攻, 黎一場大手交易, 要估邊隊贏到真係唔易, 唯有估個3:3啦。
K波預估賽果: 阿仙奴 V 利物浦 - 3:3
回顧上一季紅軍作客酋長球場既片段啦:
https://www.youtube.com/watch?v=aoUM0W7DIRk
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊