2017/18英格蘭超級足球聯賽第十五周 - 阿仙奴 V 曼聯
開賽日期及時間: 12月2日(12月3日凌晨) - 1:30
阿仙奴方面: 自從輸俾曼城後, 氣勢再次展現, 已經連勝3場聯賽, 而歐霸盃雖然輸波但仍然出線, 今仗可用全力出擊。新兵拿卡鍚迪於周中快車疑似受傷, 未知係咪雲伯伯既煙幕黎, 但即使用銀河唯一, 都有足夠攻擊力, 加上奧燒同山神呢期都好FIT, 攻力唔成問題, 防守亦有一定能力, 因為施治今季既表現非常穩定, 加上阿仙奴習慣左3中堅既陣, 攻守均衡。
曼聯方面: 同樣連贏3場英超聯賽, 不過對手為2隊升班馬, 只係屈福特較為難踢, 而陣中主力球員都可以侯命, 但前鋒既盧卡古呢期腳風好差, 周中對屈福特對住個門框都可以思考人生, 唔通要用呂布出黎打兵? 後防方面人腳已算齊整, 有冰人之稱既新兵水貨連迪路夫都開始由水變番冰, 加上羊突然黎料, 連罰球都識入波, 似乎要爭正選英格蘭左閘位咁喎。
K波預估戰況: 2隊正選前鋒都可能因傷或因態問題而影響球隊攻力, 不過後防卻非常穩固, , 入波未必多, 因為2邊門將都係世界級, 摩連奴一向作客都比較保守, 雲加雖然主場同想贏摩奴但又未必咁易打得入部巴士, 今仗雙方勢均力敵, 好難去定輸贏, 所以預計打和收場。
K波預估賽果: 阿仙奴 V 曼聯 - 1:1
回顧上一次阿仙奴主場對曼聯既片段啦:
https://www.youtube.com/watch?v=K8BXssik55Y
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊