11月2日凌晨, 歐聯分組賽第四場, 熱刺主場迎戰皇家馬德里:
https://youtu.be/fBEoY3_tp2Y
結果熱刺主場完勝皇馬3:1, 呢場亦都係皇馬近5年於歐聯分組賽第一場敗仗, 熱刺真係咁勁?
上一場歐聯分組賽, 當時熱刺作客巴拿貝, 結果雙方踢成1:1, 呢場波, 前鋒殺手哈利簡尼正選上陣, 而且亦令敵方後衛華拉尼擺烏龍。
https://www.youtube.com/watch?v=nouDTsTjyWY
其後哈利簡尼為熱刺於主場迎戰利物浦, 大勝4:1, 呢場波, 哈利簡尼包辦2入球及1助攻, 可惜賽事尾段, 有點受傷:
https://www.youtube.com/watch?v=5iIm8_cxd3c
普捷天奴為保安全, 於上周熱刺作客曼聯時將哈利簡尼收起, 結果球隊輸1:0, 從呢場波睇到, 代替哈利簡尼既孫興民或後備入替既洛蘭迪都做唔到哈利簡尼向度時既效果, 令熱刺雖然有攻勢, 但尖銳度不足。
https://www.youtube.com/watch?v=UwEjObNLkwQ
哈利簡尼對熱刺真係咁重要? 首先我地了解下熱刺既進攻模式, 常規正選如下:
洛里斯 雲達維爾 山齊士 華湯根
查比亞 艾歷臣 韋健士 艾歷迪亞 戴維斯
哈利簡尼 阿里
呢個3-5-2陣式, 進攻既時候, 阿里不時回後拎波幫波, 艾歷臣就做KEYMAN, 而哈利簡尼就做前點接應, 呢三個人可以話係熱刺既進攻命脈!
哈利簡尼能傳擅射, 亦有一定控球技術, 一旦回後停波, 有能力自己推進, 亦能傳球, 而且其射門觸覺敏銳, 亦有禁區外遠射能力, 固令敵方後防對其有一定戒心!
艾歷臣主要做分波, 致命傳送既工作, 而後上入攝攻門較少, 不過亦有一定射門能力, 而且其技術出眾, 但較為低調, 令敵方有機會走甩左佢。
阿里夠年青, 有鬥志, 爭勝心強, 射門欲亦強, 而且喜歡後上入攝攻門, 固敵方後防要有一定體力及集中力去留意其位置。
不過留意一點, 其實哈利簡尼先係呢個三人組中最重要一員, 艾歷臣雖然分波好, 俾波出色, 但其位置亦可以由阿里或林美拉代替(當然效果無咁好), 阿里方面, 孫興文有一定速度與技術, 亦可以代替阿里後上攻門或快速反擊既能力, 不過哈利簡尼, 卻無人能代替, 因為其工作除左停波, 回傳, 亦有自己得分能力, 而且極少做多餘動作, 固敵方後防只要一個唔留神, 便足以致命, 相信利物浦既路夫蘭都好明白, 而且門前把握力強, 對陣利物浦射成4:0一球便知其快, 狠, 準既射門。
主場大勝皇馬呢場波, 哈利簡尼雖然無入波, 但係其牽制力強, 當然阿里2球既把握力都係靠自己努力得番黎, 而3:0既一球, 就係哈利簡尼控定皮球, 拿祖唔敢標波, 生怕被推進突破後便成單刀, 此時哈利簡尼一個斜傳後上既艾歷臣, 將皇家解決。
其實自從9月份開始哈利簡尼既狀態大勇, 亦都係熱刺成績慢慢上番黎既主因, 哈利簡尼對熱刺真係好重要。
K波
鐘意睇我K波講野, 都讚好我個FACEBOOK專頁, 謝謝支持!K波說故事 - https://www.facebook.com/KBALLSTORY
請按此登錄後留言。未成為會員? 立即註冊