2017/18英格蘭超級足球聯賽第十周 - 曼聯 V 熱刺
開賽日期及時間: 10月28日 - 19:30
曼聯方面: 上周突如其來既敗仗, 幸好有周中聯賽盃贏波作為反彈既踏腳石, 加上主力包括迪基亞, 鍾斯, 華西,馬達等等都得到休息既時間, 周六回到主場迎戰, 最少士氣及體力上可以有反彈既導引。當然, 傷兵仍然有普巴, 爆炸頭等等, 所以仍然要靠盧卡古, 華舒福, 馬斯亞, MK同馬達等等去進攻。
熱刺方面: 聯賽盃收起半隊主力包括簡尼, 洛里斯, 艾歷臣等等, 結果於聯賽盃出局, 看似士氣受打擊, 但其實踢少條線, 反而壓力更細, 可以半中精神攻其餘戰線。上周主場輕鬆擊敗利物浦已看到熱刺今季實力仍然強勁, 尤其反擊速度其高, 後防方面, 洛里斯今季好神, 加上3中堅防守已經充滿默契, 防守亦有保證。
K波預估戰況: 向摩連奴執教下, 曼聯主場都有D保證, 熱刺呢期氣勢又盛, 雙方似乎會踢成均勢, 不過2邊既攻門可能幾多, 但遇著2邊都有神龍下, 今場可能係一場好好睇既大戰但無入波出現...........如果睇個別球員狀態, 似乎呢場波會係簡尼大戰迪基亞既一場波黎。
K波預估賽果: 曼聯 V 熱刺 - 0:0
回顧上一次熱刺來到奧脫福既片段啦:
https://www.youtube.com/watch?v=uF3Lt8vA8jo
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊