2017/18英格蘭社區盾 - 阿仙奴 V 車路士
*** TVB - J5 有得直播 ***
開賽日期: 8月6日晚上 - 21:00
阿仙奴方面: 剛剛贏完酋長盃, 雖然踢得唔算好, 不過其中一場大勝賓菲加5:2既賽事, 顯示出攻力依舊, 新兵拿卡錫迪, 高拿斯力錫表現對辦, 如果加上奧燒同山齊士攻力可以十分強! 可惜山齊士因病上陣成疑而且仍然有轉會可能! 不過後防既梅迪薩卡雖然成為隊長, 但係就帶點爆藥味, 隨時出事, 始終年事已高! 門將方面仍然依靠施治, 應有點信心!
車路士方面: 雖然失去盧卡古, 卻換入摩拉達, 塞翁失馬, 焉知非福呢?! 不過身穿9號既摩拉達暫時於熱身賽未顯示到佢既作用, 但呢位球員潛力極高, 而且曾於西班牙及意大利打滾, 相信要適應英格蘭都只係時間問題! 反而最大鑊其實係無左上季一對入波孖寶, 沙皮與夏神, 前者與干地決裂, 誓必離隊, 後者於比利時國家隊訓練時受重傷, 仍有一段時間休息, 入球重責交由巴舒阿E, 亦俾左機會佢上位, 睇下佢可唔可以得到干地既歡心喇, 另外, 各位都期待住巴卡約高既演出, 與簡迪向中場形成最穩陣既屏障, 雖然今仗仍然缺陣!
K波預估戰況: 車仔無左夏神真係差好遠, 仲要柏度都唔落得場, 不過向呢個暑假, 2隊就踢左場熱身賽, 結果車仔大勝3:0, 入2球既就係阿E同埋韋利安, 不過阿仙奴呢場波唔算最FULL TEAM, 都叫有D保留啦, 而且傳統上, 阿仙奴季初例醒下, 呢D一場過既盃緊係要爭番黎啦, 一旦贏到, 或者可以令山神留隊(多一陣)呢! 就係時候發威喇, 雲加!!!!!!!!!!
K波預估賽果: 阿仙奴 V 車路士 - 1:1 ( 阿仙奴於12碼勝出 )
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊