2016/17英格蘭足總盃決賽 - 阿仙奴 V 車路士
開賽日期: 5月27日 ( 5月28日凌晨 ) - 00:30
阿仙奴方面: 隊長高斯尼於英超煞科戰領紅, 今仗足總盃都要停賽, 而且加比爾同梅斯達菲都因傷要避戰, 後防唯有要用賀定, 梅迪薩卡鎮守, 如果要踢3中堅陣, 或者要用高基連落去踢都唔定, 否則用比爾連會浪費左佢既速度, 用蒙維爾其實都係不穩! 反而中場方面選擇多番少少, 奧燒, 藍斯都踢得, 仲有個沙加, 不過攻擊線方面, 山齊士唔知會唔會因傷先做後備, 韋碧克或會成為最後依靠, 始終基奧特做後備好似仲勁D而且對住車仔條防線, 銀河唯一都無咩著數!
https://www.youtube.com/watch?v=BG4H8-JHCdQ
車路士方面: 今季英超盟主既車路士, 唔洗講都知勁喇, 攻力有沙皮, 夏世三同埋柏度, 而且今季有最強之簡迪向防中位, 有佢向度頂住, 馬迪都踢生左好多, 之後就將個波俾前面3個去做喇! 不過唔好以為後防無出力, 今季大衛雷斯, 卡希爾都有入波架, 而且踢邊既阿朗素連罰球都有一手! 唔好忘記仲有前阿仙奴隊長既法比仔, 呢位今季助攻力驚人既中場球員, 熟悉阿仙奴體系, 或者會成為正選既其中因素。
https://www.youtube.com/watch?v=YJykPzIhBVw
K波預估戰況: 牌面牌底, 阿仙奴都係較弱既一隊, 而且無得踢歐聯令球隊士氣有一定程度影響, 不過阿仙奴呢場波可以話係會出盡奶力去爭個盃番黎, 否則連一點點安慰獎都無咁去過下一年就仲慘情! 或者有望出到超乎想像既能力去抗衡已奪英超既車仔, 雖然沙皮狀態有點回落, 但仲有柏度同夏世三都幾難攪! 下季阿仙奴無得踢歐聯下, 山齊士下季離隊機會都唔細, 點都希望臨走前俾阿迷一個交待, 而且以山齊士既靈活, 或者有機會令車仔後防亂晒 ( 如果佢出得既話 )! 希望阿仙奴可以爭番一口氣!!!!
K波預估賽果: 阿仙奴 V 車路士 - 2:1
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊