2016/17 歐霸盃決賽 - 阿積士 V 曼聯
開賽日期: 5月24日 ( 5月25日凌晨 ) - 2:45
阿積士方面, 上星期荷甲都踢晒喇, 即係有10日時間去準備, 而且球隊入面多數都係年青球員, 體力上比今季踢到殘晒既曼聯球員好好多, 不過後防方面, 韋基夫需要停賽及施加化因傷缺陣, 此2名後防重心將對阿積士影響甚大! 不過前面有我之前介紹過既杜貝治, 呢個丹麥新人又冷靜又多產, 經常一針見血, 隨時成為賽事最佳球員![年青的冷面殺手 - 杜貝治]
https://www.youtube.com/watch?v=7LoOgnZu4N4
曼聯方面, 摩連奴話就話自己唔夠時間準備, 其實上場波已經無出大部分既正選球員, 所以今場波都可以精銳盡出, 當然, 所以精銳係指無呂布, 無盧祖, 梳爾呢D長期傷兵之下啦! 羅美路一定係正選門將, 後防應該會用華西, 只係中堅會唔會用一代鍾斯配今季人如其名既屎波寧呢? 左閘用白連特定達美安都唔算穩陣! 好彩爆炸頭出番黎, 中場有得守下, 但速度實慢架喇, 唯有睇下前線既華舒福, MK仔同埋普巴有無料到啦!https://www.youtube.com/watch?v=wEtP8XlNzY4
K波預估戰況: 阿積士有唔怕死既年青人, 曼聯有唔輸得既後顧, 2隊今場都會搏盡, 不過後防方面, 應該都會好小心, 始終一場過既賽事, 唔係鬥入波數量既, 有時贏一球已經夠晒數! 呢場盃賽放向平日夜晚踢, 擺明要球迷一齊捱夜啦, 不如踢成1:1, 踢埋加時佢, 之後射埋個12碼, 咁就真係一鋪過, 玩盡佢喇!
K波預估賽果: 阿積士 VS 曼聯 - 1:1 ( 加時1:1), 射碼時............我應該頂唔到, 訓左............
K波
鐘意睇我K波講野, 都讚好我個FACEBOOK專頁, 謝謝支持!K波說故事 - https://www.facebook.com/KBALLSTORY
請按此登錄後留言。未成為會員? 立即註冊