英超第三十三周, 利物浦又變番羅賓漢既情況下, 主場送埋3分俾水晶宮拎走!
https://www.youtube.com/watch?v=bCiZPwU-zxs
黎到第三十四周, 曼市打比都算係一定要講喇:
曼城 VS 曼聯
開賽時間 ( 香港時間 ) - 4月27日 ( 4月28日凌晨 ) - 3:00
2隊簡介:
曼城: 英格蘭足總盃4強輸波, 都意味住曼城今季乜獎都無, 數字上都仲有得追車仔既, 得番個史字FF下囉! 用左咁多體力, 仲要出局, 身心都傷下, 咁快就要踢場曼市打比戰! 其實都幾危, 哥帥最好就用番卡巴尼路守龍啦, 而後防都要用D有番咁上下速度既後防, 否則實被曼聯班前鋒KO, 而其實曼城最緊要係施華, 只要佢健康, 曼城既攻勢都會有番咁上下流暢, 否則可以都係亂9咁黎向前踢! 迪布尼改變位置後, 踢得沉左好多, 不過對住摩佬可能會爭口氣既!
曼聯: 馬達, 伊巴, 盧祖咧已收, 鐘斯同史摩寧又唔知出得番未, 曼聯其實真係無咩人可以用, 而且般尼場波仲可能會多埋普巴呢個傷兵............未計拜利同靴里拉完場前都好似有DD傷咁.............不過曼聯勝在夠團結同年青! 華舒福, 馬迪爾, 連加特呢D青年班, 加埋月巴同MK仔, 其實攻力都有番咁上下快 ( 月巴已經拉低左個速度平均值 ), 而中場放個爆炸頭向度, 都真係幾難過佢, 最怕只係後防個盲佬被阿古獸強姦架乍!
K波預估戰況: 曼城剛於足總盃出局, 而且踢到加時, 而曼聯雖然多傷兵, 但同日可以留力下輕取般尼, 此消彼長, 曼聯會稍稍佔優一點! 不過真係要留意下, 曼城班波真係唔夠團結, 去到季尾呢D時候, 隨時會被曼聯作客贏埋, 而且曼聯作客成績強過乜咁, 加上已經23場聯賽不敗, 今場有望作客贏波爬埋曼城頭!
K波預估賽果: 曼城 VS 曼聯 - 1:2
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊