英超第三十二周, 最大爆冷肯定係水晶宮主場贏阿仙奴3:0, 我K波都被佢呃晒, 今季爭前四好有難度!
https://www.youtube.com/watch?v=9wMd7M5GwDM
黎到第三十三周, 紅藍大戰一定要講喇:
曼聯 VS 車路士:
開賽時間 ( 香港時間 ) - 4月16日晚上 - 23:00
2隊簡介:
曼聯: 後防傷兵滿營, 中前場靠晒伊巴, 其實曼聯今季頂到去呢度, 都算係咁架喇! 歐霸盃只要次回合生生性性, 應該可以晉級4強, 但爭前四似乎又難度什高, 不如留力啦! 不過今場波就算留力, 前鋒可能會由華舒福或馬斯亞替代伊巴正選, 加上肥仔朗尼有望復出! MK仔都可以休息添, 中場就應該用爆炸頭做正選, 後防線最怕係拜利同盧祖頂唔頂得咁多場喇!
車路士: 夏世三及沙皮既狀態, 直接影響車仔攻力, 而中場除左干提之外, 馬迪其實都好重要, 以佢既身型, 相信會同爆炸頭火拼一下, 不過干地可能會用法比仔既傳球黎破下曼聯中路! 後防方面, 卡希爾呢期有DD回勇跡象, 加上古圖斯, 相信可以守得住本已經疲弱既曼聯攻力!
K波預估戰況: 曼聯有歐霸盃既後患, 車仔有充分休息, 已足以抵消曼聯主場, 加上今季曼聯主場威力不再, 但又輸唔到, 今場波, 車仔唔輸都仲有失分空間, 或者唔會搏盡, 防止夏世三被曼聯班友踢傷就大鑊, 各取必需, 人人1分言和吧!
K波預估賽果: 曼聯 VS 車路士 - 1:1
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊