[英格蘭超級足球聯賽2016/17 - 利物浦 VS 熱刺]

第二十四周既英超賽事, 阿仙奴大敗車仔3:0, 其實都不及利記作客敗走侯城慘情...............不過侯城真係踢得好好!


https://www.youtube.com/watch?v=OaoK_VJnytI

黎到第二十五周, 利物浦慘遭滑鐵盧後, 主場又要迎擊熱刺!


利物浦 VS 熱刺:


開賽時間 ( 香港時間 ) - 2月11日(2月12日凌晨) - 1:30

2隊簡介:


利物浦: 利物浦最近的確係弱勢, 本身防守唔算好既利物浦, 最近更加遇上入球荒, 入球能力大減, 而且高普最強既士氣波, 其實就係講信心! 信心不足, 球隊自然踢得唔順, 自然有阻滯! 龍門位置方面, 米勞列已經係神經刀, 卡里奧斯又不穩, 著實唔知點算, 後防線又不算平穩, 唯有靠中場防守! 不過軒達臣最近個態跌番D, 幸好安尼簡向中場都叫做到下野! 前鋒最大問題, 復出後既古天樂一直未踢回之前水準, 變相令法明奴都呎晒WATT, 不如高普試下用多D奧歷治加史獨力治搏一搏仲有機會!





熱刺: 其實熱刺既情況都唔好得去邊, 聯賽2連和後, 好彩第24周主場由簡尼既12碼一箭定江山先可以全取3分! 不過留意番, 其實熱刺踢落去既攻勢係有, 而且一如以往般進取, 只係欠D運入唔到波, 只要進攻球員既運氣好番D, 一旦入波, 成隊都會踢得好順, 特別係射手觸覺敏銳既哈利簡尼! 另外, 熱刺好就好在後防算幾穩陣, 洛里斯於曼城的賽事少有既出錯外, 其實今季保持水準, 只要正正常常, 只欠攻唔攻得入對手喇!



K波預估戰況: 利物浦最近既弱勢, 要守得住熱刺既進攻會有難度, 最大問題係利物浦最近既攻力要攻入熱刺同樣困難, 雖然熱刺最近也不算強勢, 但最有機會追到車仔既佢地唔會放棄下, 鬥志比利物浦會更高, 此消彼長, 熱刺有望作客擊敗利物浦!



K波預估賽果: 利物浦 1:3 熱刺


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY