[英格蘭超級足球聯賽2016/17 - 車路士 VS 阿仙奴]

第二十三周既英超賽事, 多隊前列球隊失分不過最估唔到應該係阿仙奴主場被屈福特擊敗2:1, 跌落第三位!


https://www.youtube.com/watch?v=3UpsBIkCAlg
黎到第二十四周, 接連大戰既車路士主場迎戰阿仙奴!


車路士 VS 阿仙奴:


開賽時間 ( 香港時間 ) - 2月4日晚上 - 20:30

2隊簡介:


車路士: 車路士剛剛戰罷利物浦, 差點可以作客致利記今季爭冠於死地, 不過沙皮既12碼被米勞列救出, 結果失了2分, 但由於阿仙奴同熱刺都失分, 結果仍有9分既差距! 但呢場波夏神被睇到實一實, 無晒表現, 好彩有雷斯既罰球, 而其實後備換入既柏度同韋利安威脅都唔細, 全隊整體狀態似乎唔見有下滑, 似乎今季車仔賽程唔密, 呢點真係好有優勢!





阿仙奴: 雲加與沙加同樣被罰停賽4場, 而球隊剛剛主場迎戰屈福特竟然敗陣2:1, 絕對令爭冠機會大減, 而阿仙奴一眾球員例如藍斯等表現都不濟, 幸有伊禾比入球追近比數而已, 不過其實阿仙奴下半場已經取回主動權, 但始終未能追成平手而已! 中場大腦奧燒若被睇死便會如同隱形, 或者要用足總盃大勝既禾仔及韋碧克, 配合山神黎個速度大解放救救阿仙奴喇!




K波預估戰況: 車路士雖然主場, 而且阿仙奴領隊雲加仍被停賽未能場邊領軍, 但阿仙奴面對目前聯賽榜形勢實在不能再失分, 今場可能當決賽踢, 或者可以踢出一場出人意表既賽事! 山齊士及基奧特相信會係阿仙奴取分最大關鍵, 而車路士既沙皮及夏神都有一定戰鬥力, 即使面對舊隊友施治都無有怕, 暗盤車路士仍有失分空間下, 和波都收貨, 所以黎多場和波吧!


K波預估賽果: 車路士 2:2 阿仙奴


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY