[英格蘭超級足球聯賽2016/17 - 利物浦 VS 車路士]

第二十二周的英超賽事, 實在太多精彩賽事出現左, 包括利物浦主場輸俾史雲斯2:3, 阿仙奴戲劇性主場贏般尼2:1, 同埋曼城主場大戰熱刺踢成2:2!


https://www.youtube.com/watch?v=U41WwXgWO14
黎到第二十三周, 紅軍主場誓要拆車追近距離!


利物浦 VS 車路士:


開賽時間 ( 香港時間 ) - 1月31日 ( 2月1日凌晨) - 4:00

2隊簡介:


利物浦: 現處聯賽榜第四位既利物浦, 最近多場賽事不勝, 氣勢大幅回落, 而上周中的聯賽盃4強於完場前被絕殺以2回合計輸2球出局, 而足總盃對手只是狼隊, 但派出大量副選下主場輸波而回, 弱勢未止! 現時球隊有古天樂復出, 配合法明勞, 要攻破車仔後防其實唔難, 加上倒戈既史獨力治有望披甲上陣, 一定會踢多2錢肉緊, 中場方面亦有力與車仔一拼, 軒神加啦啦啦, 加上安尼簡! 問題在於後防是否能抵擋今季火熱既沙皮, 夏神, 要阻止佢2個入波似乎極度困難, 或者利物浦後防要踢出超水準等待奇蹟吧!





車路士: 今季車仔最大得益就係比賽少, 可以養精蓄銳應付每一場, 上季見到李斯特城就知道喇, 而幾日前既足總盃, 車仔都只係派上副選上陣, 主場殺退賓福特晉級! 體力, 士氣均未受影響下, 今仗可以全力出擊, 防中既干提實在重要, 即使配以法比加斯或馬迪都能使出攻守能力, 而前線既沙皮及夏神有著關鍵作用, 唔好忘記今季踢番生既柏度添, 要防守呢幾名快速既球員實在唔容易! 摩西斯及阿朗素既高效令3-4-3既陣式事半功倍!




K波預估戰況: 利物浦要維持爭標希望, 今仗主場一定要擊敗車路士, 基本上係和都唔得, 咁既情況下, 正合利物浦踢法地去強攻, 而又因為咁, 都食正車路士打防反既戰術, 前線球員個個老鼠野免一樣周圍走, 似乎2隊都會失波, 而且仲唔少添! 雖然利物浦呢排好弱, 但睇死佢時就反底先係利物浦黎, 即管黎個3:3互相開年啦!


K波預估賽果: 利物浦 3:3 車路士


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY