第二十一周的英超賽事, 人人都睇雙紅會, 但其實當晚頭場既愛華頓對曼城就仲精彩, 因為愛華頓主場擊敗哥迪奧拿領軍既曼城, 而且仲係4:0添!
https://www.youtube.com/watch?v=Pi8gqLPM-gI
黎到第二十二周, 雖然主場, 但睇黎哥迪奧拿又要震多次, 曼城主場迎擊熱刺:
曼城 VS 熱刺:
開賽時間 ( 香港時間 ) - 1月21日 ( 1月22日凌晨) - 1:30
2隊簡介:
曼城: 季初係威係勢又英超連勝既曼城, 估唔到黎到廿二周, 只係排第五位, 而且一旦今場失分, 就有機會被曼聯追過, 近況方面都相當麻麻, 上周先作客愛華頓慘吞4蛋, 係4蛋, 創下哥迪奧拿領軍聯賽最大敗仗! 曼城後防其實一直不穩, 特別係棄用前球會ICON既祖赫特後, 仲以高價由巴塞買入巴禾, 結果巴禾成為後防其中一個弱點. 而本身條後防都唔見得穩陣, 特別係應付高空波或攝位叻既前鋒! 中前場方面, 就相當夠人喇, 而新加盟既耶穌應該有機會於主場同球迷見下面, 即管睇下阿古路, 迪布尼, 史達寧啞火既情況下, 耶穌救唔救到曼城喇!
熱刺: 其實熱刺自上季起已一改以往後防不穩及前面入埋唔夠後面輸既習慣, 不過始終長途戰經驗不足, 結果上季尾爭冠時脫腳, 但全隊波既平均年齡都相當後生, 加埋少帥普捷天奴的確有功力, 今季熱刺慢慢上力下, 已經重拾攻守均強既表現, 哈利簡尼同上季一樣, 季中開始黎料, 上周主場對西布朗更加大演帽子戲法, 加埋艾歷臣, 亞里, 攻力實在恐怖, 而一對閘位球員都係攻守均強既命脈之一, 唯一可惜既係, 維頓漢上仗受傷要休息2個月時間, 令中堅位置要由賓戴維斯頂替, 未知影響如何了!
K波預估戰況: 首回合熱刺主場以2:0破曼城不敗身, 今次作客, 正值曼城弱勢而熱刺已經各項賽事連勝7場, 加上熱刺踢法進取, 相信曼城後防要受不少壓力而曼城後防正是多事之秋, 巴禾可能要左飛右撲, 但按巴禾既撲救成功率, 唔太有信心佢救到! 相反熱刺後防穩陣, 似乎阿古路, 迪布尼等要攻破洛里斯大門則要用好多好多力喇, 但唔等於就可以射得入, 睇黎哥迪奧拿又要失望多一次喇!
K波預估賽果: 曼城 1:3 熱刺
K波
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY
https://www.youtube.com/watch?v=Pi8gqLPM-gI
黎到第二十二周, 雖然主場, 但睇黎哥迪奧拿又要震多次, 曼城主場迎擊熱刺:
曼城 VS 熱刺:
開賽時間 ( 香港時間 ) - 1月21日 ( 1月22日凌晨) - 1:30
2隊簡介:
曼城: 季初係威係勢又英超連勝既曼城, 估唔到黎到廿二周, 只係排第五位, 而且一旦今場失分, 就有機會被曼聯追過, 近況方面都相當麻麻, 上周先作客愛華頓慘吞4蛋, 係4蛋, 創下哥迪奧拿領軍聯賽最大敗仗! 曼城後防其實一直不穩, 特別係棄用前球會ICON既祖赫特後, 仲以高價由巴塞買入巴禾, 結果巴禾成為後防其中一個弱點. 而本身條後防都唔見得穩陣, 特別係應付高空波或攝位叻既前鋒! 中前場方面, 就相當夠人喇, 而新加盟既耶穌應該有機會於主場同球迷見下面, 即管睇下阿古路, 迪布尼, 史達寧啞火既情況下, 耶穌救唔救到曼城喇!
熱刺: 其實熱刺自上季起已一改以往後防不穩及前面入埋唔夠後面輸既習慣, 不過始終長途戰經驗不足, 結果上季尾爭冠時脫腳, 但全隊波既平均年齡都相當後生, 加埋少帥普捷天奴的確有功力, 今季熱刺慢慢上力下, 已經重拾攻守均強既表現, 哈利簡尼同上季一樣, 季中開始黎料, 上周主場對西布朗更加大演帽子戲法, 加埋艾歷臣, 亞里, 攻力實在恐怖, 而一對閘位球員都係攻守均強既命脈之一, 唯一可惜既係, 維頓漢上仗受傷要休息2個月時間, 令中堅位置要由賓戴維斯頂替, 未知影響如何了!
K波預估戰況: 首回合熱刺主場以2:0破曼城不敗身, 今次作客, 正值曼城弱勢而熱刺已經各項賽事連勝7場, 加上熱刺踢法進取, 相信曼城後防要受不少壓力而曼城後防正是多事之秋, 巴禾可能要左飛右撲, 但按巴禾既撲救成功率, 唔太有信心佢救到! 相反熱刺後防穩陣, 似乎阿古路, 迪布尼等要攻破洛里斯大門則要用好多好多力喇, 但唔等於就可以射得入, 睇黎哥迪奧拿又要失望多一次喇!
K波預估賽果: 曼城 1:3 熱刺
K波
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY
請按此登錄後留言。未成為會員? 立即註冊