[英格蘭超級足球聯賽2016/17 - 曼城 VS 車路士]

第十三周的英超賽事, 點可以唔提史雲斯主場對水晶宮呢場? 大家覺得假又好, 點都好, 我K波淨係知道史雲斯89分鐘仲係落後4:3, 結果最後佢地反勝5:4完場!


https://www.youtube.com/watch?v=TgnGti81hKI
黎到第十四周, 榜首大戰一觸即發, 7連勝球隊作客曼城:


曼城 VS 車路士:


開賽時間 ( 香港時間 ) - 12月3日 - 20:30

2隊簡介:


曼城: 經歷聯賽6連勝後, 哥帥既曼城開始不穩, 而且哥帥仍然向度了解其班底既陣容下, 阿古獸向無傷無病既情況下都曾經被轉移到後備, 不過最近6場又聯賽不敗, 而且接著2連勝優勢返到主場, 信心返晒黎! 主力方面, 緊係睇阿古獸表現啦, 而且洛列圖都係球隊主力, 支援佢2個既有迪布尼, 費蘭甸奴, 施華同史達寧, 講呢堆人就已經強啦, 唔好忘記, 最近耶耶托尼仲解凍埋添! 不過後防就真係有D驚驚喇, 經常出現荒失失奇兵, 門將既包和水汁又唔穩定, 腳下功夫點好都死啦! 唯有希望入波多過失波囉!





車路士: 呢部車自從9月尾作客被阿仙奴炒3粒後, 就開始左7連勝, 亦都係呢場波之後, 令干地決定開始改用其最擅長既3-4-3陣式, 結果一拍即合, 沙皮, 夏神同柏度食左春藥咁係咁入波, 攻力強勁不在話下, 更加出現6場不失球的防守戰績, 到上周先被熱刺既艾歷臣一記世界波遠射破網, 但最後都反勝埋熱刺破埋對手不敗身添! 現時球隊既攻擊陣容非常穩定, 沙皮, 夏神, 柏度, 再加上韋利亞, 摩西斯, 等做支援, 防中開始既陣容就更加穩定, 干提配馬迪, 後防卡希爾, 雷斯, 艾斯比列古達同門將古圖斯! 重點係今季車仔無歐洲賽, 全力爭聯賽冠軍, 有晒優勢!




K波預估戰況: 雖然車仔咁勁, 但哥帥既曼城都唔好蝦, 加上阿古獸入番晒波, 呢場波將會非常好睇, 主攻對突擊, 而且呢場波都可以真正考驗下車仔既3人後防夠唔夠力防守喇! 但唔好睇少車仔防反既能力與速度, 同埋曼城防守其實唔穩陣既情況下, 大家開個和, 但係不斷入波吧!
K波預估賽果: 曼城 3:3 車路士


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY