[足球小將內最超現實的角色與絕技 - 立花兄弟] 精選

足球小將的角色系列文章, 好耐都無寫喇, 突然間, 諗起立花兄弟, 一對絕不寫實的球員與一系列違反常理, 什至乎可能於現實中也犯規的絕技, 卻是令兒時的足球小將迷, 帶出新鮮感! 如果之前有睇過我K波既麥泰萊及三衫淳, 都知道我K波同班朋友細個時曾經被高橋楊一昆左鑊金既, 我有2個波友就去試一飛衝天彈跳射球既動作, 結果炒了粉, 條腰仲受了傷…….



簡介番, 立花兄弟係一對孖仔, 哥哥叫立花政夫, 弟弟叫立花和夫, 佢2個係戴志偉於小學同初中時期既對手, 而出場時間就係小學時候, 代表花輪少年隊, 2條友仔向鐵路月台向度對搓, 其實呢一幕, 我K波兒時就已經想試, 可惜一直唔敢開口搵波友去試, 因為衰左, 會好瘀皮! 補充一下, 如果有朋友仔想試, 建議去屯門元朗既輕鐵站觀摩一下環境, 都幾似架!

https://www.youtube.com/watch?v=6Gz2n55MNlQ
當對戰戴志偉, 就使出雙人射球, 當然, 戴志偉天生就係一名小偷, 咁就偷左呢招黎成為泰萊既絕技! 另外仲有三角射球, 相信呢招絕技, 真人就未見過有人用過, 但用左都應該會被吹罰不君子行為架喇! 當然地, 戴志偉都係最後既勝利者啦! 咁特別既角色, 高橋先生點會玩完個小學就唔俾佢地再出場, 到左中學, 都仲係佢2個, 而且絕技有進化添, 出名既一飛衝天彈跳射球就此出現!

https://www.youtube.com/watch?v=yf358x6Sw78

不過唔好以為中學就癲完! 當佢地被選入日本隊, 結識到一名叫次藤洋既隊友, 由於次藤天生就係一名巨人, 令立花兄弟捉埋佢一齊癲, 領略出進化版一飛衝天彈跳射球! 不過由於此2名球員太過超現實, 回歸現實下, 其實呢對兄弟既技術一般, 而且並非同場出場下, 可能樑仔仲有用一點!

https://www.youtube.com/watch?v=JWoUNJnn8V4

無論如何, 立花兄弟, 一對足球小將內, 最超現實的角色與其一大堆違反常理既絕招, 的確令兒時的足球小將迷, 勾起不少話題, 雖然依家再睇番, 其實只想講句”ON99”, 其後, 又會回心微笑一下, 呢D童年回憶, 去邊度搵呀………………
https://www.youtube.com/watch?v=fl_a2_fDjOs
https://www.youtube.com/watch?v=OOm7PKCpy8c




K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY