[神級小學雞 – 艾沙雲]

K波說故事 於 27/09/2016 發表 收藏文章
艾沙雲, 1981年5月29日出生, 俄羅斯職業足球 員, 綽號[沙皇], 司職進攻中場, 翼鋒及前鋒。
19歲既時候, 就已經由辛尼特二隊升上一隊作賽, 2000年便首次作客英格蘭球隊, 當時於圖圖盃作客巴拉福特, 而且協助球隊大勝3:0, 就係咁, 正選右中場既一席就此奠定!


一年後, 21歲既艾沙雲將辛尼特變成俄超聯賽其中一隊強隊, 不過艾沙雲不甘於只踢右中場既位置, 2003年, 艾沙雲開始轉踢前鋒,該季貢獻5個入波同10個助攻。
於2002年便入選俄羅斯國家隊, 而首個國家隊入波出現於2003年2月13日俄羅斯對戰羅馬尼亞既比賽。
鋒芒蓋不住, 艾沙雲於2006年獲得俄羅斯足球先生,成為首位效力非莫斯科球會既足球先生, 之後一年已經當上國家隊既隊長。


2007/08球季, 艾沙雲以矮仔殺手既姿態, 帶領辛尼特橫掃歐洲賽,先後擊敗維拉利爾、馬賽、利華古遜及拜仁慕尼黑,歷史性晉級歐洲足協盃決賽,最終KO埋蘇格蘭既格拉斯哥流浪奪冠,艾沙雲成為全場最佳球員! 而向2008年8月舉行既歐洲超級盃,艾沙雲後備上陣,連曼聯都KO埋!

艾沙雲呢個名字, 突然之間, 向歐洲嚮起黎, 不止其殺手般既進攻力, 而且仲有佢鬼馬既表情, 臭串既慶祝動作, 令佢成為一隻可愛既小學雞! 即時被傳媒追捧成為頂級球會既對象!
https://www.youtube.com/watch?v=n84rRQqyUjQ其實於2008年6月,巴塞羅那已經報價1,500萬歐元,但呢個價錢似乎完全吸引唔到辛尼特! 似乎辛尼特想等到2008歐國盃後, 等艾沙雲身價再提高D先賣! 由於最後一場分組賽領紅, 結果艾沙雲要到歐國盃小組賽最後一場先可以出場,呢場波, 俄羅斯對戰瑞典,解禁復出既艾沙雲用入球証明了”我回來了”,以俄羅斯2:0擊敗瑞典,進軍八強! 同時為國家隊創造了歷史, 當時俄羅斯已經氣勢如虹, 於8強賽事, 面對荷蘭, 俄羅斯以黑馬姿態戰至加時, 艾沙雲1入球1助攻, 帶領俄羅斯以3:1淘汰荷蘭闖入4強。呢兩場比賽,艾沙雲同時成為MVP。
pics.livejournal.com/sportsphoto/pic/008yebss&h=460&output=webp&q=80&we&errorredirect=
pics.livejournal.com/sportsphoto/pic/008yebss\' style=\'max-width:680px;max-height:460px;\' alt=\'
http://pics.livejournal.com/sportsphoto/pic/008yebss\' ref=\'noreferrer\' />
圖片來源:
';">
按此觀看圖片

不過,艾沙雲既神奇旅程完結了, 4強戰面對當屆冠軍西班牙,當時既西班牙如有神助, 結果俄羅斯以0:3不敗而回。艾沙雲仍然成為歐國盃最佳陣容之內! 呢個時候, 艾沙雲已經晉升為神級小學雞!
https://www.youtube.com/watch?v=XrClLhiFxTY
不過歐國盃並未令到艾沙雲身價暴升, 到左8月, 英超球隊熱剌開出1,600萬英鎊既價格,仍然未滿足到辛尼特2,200萬英鎊既胃口。其實辛尼特有意放, 艾沙雲有意走, 只係價錢既問題, 呢個時候, 最傷其實係球員! 各大球會只係食住花生睇好戲, 結果2008年夏天, 艾沙雲仍未能到達歐洲頂級球會效力。
到左冬季轉會窗, 艾沙雲仍然希望離隊, 但巴塞, 熱剌已經失去對其既興趣, 最終2009年2月2日, 阿仙奴於冬季轉會窗最後一日, 以1,500萬鎊簽入艾沙雲, 另外艾沙雲自己貼左150萬鎊「長期合同終止賠償費」!
今次雲格都算大手筆喇, 足足1,500萬鎊, 打破左球會轉會紀錄, 令韋托特既1,300萬鎊轉會費紀錄成為球會既過去! 當時已經28歲既艾沙雲與阿仙奴簽下3年半合約, 身穿23號球衣。 加盟阿仙奴初期, 未能踢回辛尼特既水準, 不過, 2009年4月21日, 利物浦球迷唔會想記得既一日, 不過艾沙雲應該永遠都會記得呢一日, 一場4:4既比賽出現了, 艾沙雲個人攻入4球!


https://www.youtube.com/watch?v=oHJreZtU5G0
可惜, 全世界都覺得艾沙雲應該踢自由人既進攻中場或邊鋒, 雲格卻將艾沙雲放於正前鋒, 而且, 出波俾佢既, 仲係高佢成個頭既LORD賓! 我K波係艾沙雲, 望到都灰啦! 此舉令艾沙雲無所適從, 係咪開始懷疑自己生得矮都係罪呢? 2012年2月, 一直長坐後備既艾沙雲, 被阿仙奴借回母會辛尼特效力到7月。

回到辛尼特, 艾沙雲終於都可以開心咁踢波, 而且, 延續了離開阿仙奴既下場, 為辛尼特取得俄超聯賽冠軍! 重回阿仙奴後, 仍然未能成為球隊主力, 艾沙雲已顯得心灰意冷, 雲格都曾批評艾沙雲鬥志不足, 半放棄狀態下, 一年過後, 始終重點辛尼特, 不過由於狀態已經大不如前, 慢慢成為後備, 其後踢過魯賓卡山, 現時效力哈薩克既卡拉特 ( SOR9RY堅唔識 )!

https://www.youtube.com/watch?v=VY_4HU7-UE0

艾沙雲令小學雞呢個名字, 由一面倒既貶意, 變得可愛! 其實, 佢真係好可愛架! 我K波最鐘意就係佢擁有小學雞既神情, 落到場卻有殺手般既實力! 可惜, 真係好可惜, 辛尼特如果當時將艾沙雲送到巴塞, 或者, 如果, 可能, 艾沙雲既神級威力可以發揮得更好, 成為宇宙級小學雞, 而不致於變成雲格手中, 用於LORD賓邊線出波俾呢隻飛唔起既小學雞去頂波吧!


https://www.youtube.com/watch?v=YIXs6bGWVUY
最近, 又入波了!


https://www.youtube.com/watch?v=Xhn5bwF4lhI
K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

部分資料來源: 維基

留言


請按此登錄後留言。未成為會員? 立即註冊
    快捷鍵:←
    快捷鍵:→