[石地魯營 – 旺角麥花臣] 精選

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY


旺角麥花臣, 被譽為香港石地街場之首, 因為地點位於香港人口最密集的地區 – 旺角的中心位置, 而且附近便有年青人知名既波鞋街, 再過一條街便是旅遊景點- 女人街! 此地交通方便, 地鐵, 巴士, 小巴隨處可見! 除此之外, 旺角充滿了美食! 雖然以上種種因素都跟足球無關, 但其實要吸引一眾原先對足球無興趣既人睇波, 呢D都係重要因素! 所以向收費球場 – 香港大球場, 都位於銅鑼灣/跑馬地一帶的香港旺區內。





由於麥花臣為康文署管理的石地足球場, 租場費全免, 可以每月入信申請BOOK場, 但麥花臣既渴市度非常高, 一眾街坊波神為求可以於麥花臣一顯身手, 都費盡心機, 想盡辦法覓得場紙一張, 而且麥花臣設備齊全, 設有樓梯上2樓既有蓋既觀眾席, 男女廁所自然必備, 急救室都有, 而且, 仲設有由一班足球愛好者成立既九龍小總 – “九龍小型足球總會有限公司”, 定期於此球場有不少賽事舉行, 包括部分現役或退休等等既球星向度一顯身手, 所以我K波大膽形容旺角麥花臣既感覺就如同於巴塞隆拿主場魯營一樣, 能於魯營踢波, 是一種光榮!*我K波不是巴塞死忠, 只係一直覺得呢度既氣氛充滿大戰味道






當然, 既然麥花臣有如此大既吸引力, 向我K波有限既9UP知識下, 相對論話我知, 自然會有一定壓力! 點解? 由於麥花臣既地理位置, 觀眾席上或者2邊角球旗大閘入口處, 除左一班對足球充滿熱誠既球迷, 自然都包括不少花生友, 自以為好識波既波友, 無聊磨時間既無聊友, 更可能………有唔少靚女出現!


如是者, 麥花臣足球場, 就係一個表演既好地方, 如果你表現好, 向一班欣賞你既”球迷”面前, 技術好既扭一扭, 射術勁既射一射, 防守好既剷一剷, 身手好既撲一撲, 精彩既演出, 自然會換黎不少熱烈掌聲, 不少球迷圍觀, 加上2邊角球旗就是球場既大閘, 不少球迷就站立此位置, 一旦開角球時, 感覺真係置身於魯營一樣架! 相對地, 如果你表現差, 自然會換黎極多既噓聲同埋不少球迷既圍………..插, 應該唔會引黎好似費高咁, 被人掟豬頭掛…….!
http://static.apple.nextmedia.com/images/apple-photos/apple/20131026/large/img0000034_aa01.gif


https://www.youtube.com/watch?v=TOWxBcopbnI
*當然, 香港仲有唔少出名旺場既石地球場, 包括銅鑼灣既維園, 灣仔既修頓等等, 有機會再講下啦!


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY
圖片: 網路圖片/影片