[法國2016歐國盃K波之燈 – 英格蘭] 精選

由 K波說故事 於 02/06/2016 發表 收藏文章
顯示分享連結
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY


上次我K波就講左比利時喇, 有讀者似乎唔多滿意, 話我K波對於比利時個後防排陣不知所謂, 其實近幾場比利時個後防都不斷試緊人, 到最後會用邊個組合都未知, 原來連我K波預計個陣容都唔俾, 即係當日費SIR搵華西打閘都係不知所謂啦, 不過是9旦旦啦! 都好多謝呢位讀者真係有睇晒我K波篇文既, 我向度誠心希望到時比利時唔會排我講果個後防黎踢歐國盃, 1場都唔好, 1分鐘都唔好呀, 千其唔好呀, 唔係我都唔撚知講乜好喇!

[K波點燈歐國盃2016 - A-C組]
http://football.fanpiece.com/kballstory/c1229664.html

[K波點燈歐國盃2016 - D-F組]
http://football.fanpiece.com/kballstory/c1230083.html
[法國2016歐國盃K波之燈 - 比利時]
http://football.fanpiece.com/kballstory/%E6%B3%95%E5%9C%8B2016%E6%AD%90%E5%9C%8B%E7%9B%83k%E6%B3%A2%E4%B9%8B%E7%87%88-%E6%AF%94%E5%88%A9%E6%99%82-c1230211.html


好喇, 今次到講另一隊我K波燈左既隊喇, 本身都真係好支持佢架, 但當最後23人大軍出左之後, 竟然唔見左支水, 多左支煙, 真係火都黎! 不過相信支煙到時都係坐多過踢架喇!


唔好影響自己心情下, 今次就講下好多香港人都好捧場既歐洲失望之塔 – 英格蘭, 其實大家可能受到英超既關係, 對英格蘭真係情有獨鐘, 而且碧咸時代更加吸引到好多女FANS既支持! 我K波身為一個香港人, 當然陪住佢地每次帶著希望而去, 失望而回啦! 不過今屆歐國盃, 真係有希望喇! ( 重覆每屆大賽, 對於英格蘭賽前既語氣同口吻 )

scontent-hkg3-1.xx.fbcdn.net/v/t1.0-9/13241380_1137131469673031_2078032211659543152_n.jpg%3Foh=30ae41bc9c46eb5cc8d9d54b0be9fba7%26oe=57D0B274&h=460&output=webp&q=80&we&errorredirect=
scontent-hkg3-1.xx.fbcdn.net/v/t1.0-9/13241380_1137131469673031_2078032211659543152_n.jpg%3Foh=30ae41bc9c46eb5cc8d9d54b0be9fba7%26oe=57D0B274\' style=\'max-width:680px;max-height:460px;\' alt=\'
https://scontent-hkg3-1.xx.fbcdn.net/v/t1.0-9/13241380_1137131469673031_2078032211659543152_n.jpg?oh=30ae41bc9c46eb5cc8d9d54b0be9fba7&oe=57D0B274\' ref=\'noreferrer\' />
圖片來源：
';">
按此觀看圖片

我地一齊黎認識下英格蘭:
領隊: 鶴臣 – 2012年5月開始執教, 執教成績, 差! 2012年歐國盃8強止步, 2014年世界盃小組賽包尾出局!


龍門: 祖赫特, 科士打, 希爾頓

後防: 卡爾獲加, 丹利路絲, 卡希爾, 史摩寧, 佳尼, 史東斯, 貝特蘭

中場: 巴克利, 艾利, 占士米拿, 史達寧, 拉蘭拿, 靴達臣, 韋舒亞, 戴亞

前鋒: 哈利簡尼, 華迪, 朗尼, 華舒福, 史杜力治

外圍賽成績: 10戰10勝0和0負, 得31球, 失3球, 以30分成小組首名晉級

同組對手: 俄羅斯, 威爾斯, 斯洛伐克

法國當地時間:
6月12日– 凌晨3點: 英格蘭 VS 俄羅斯
6月16日– 晚上9點: 英格蘭 VS 威爾斯
6月21日– 凌晨3點: 英格蘭 VS 斯洛伐克

陣容:
門將相信祖赫特既位置都幾穩陣, 後防方面, 估計史摩寧及卡希爾會成為正選, 史東斯始終經驗較淺, 2閘方面用熱剌既雙閘 – 獲加 + 路絲就最適合了! 中場方面, 以英格蘭既排陣, 4人中場係最傳統, 戴亞今季向熱剌表現穩定, 防中一位都算穩陣, 而左右翼方面, 史達寧, 拉蘭拿, 占士米拿都要爭一爭, 反而進攻中場一位, 到底會用季尾表現回勇既隊長朗尼, 定係今季一直保持超卓表現而且同哈利簡尼夾慣既艾利呢? 巴克利今季由於有少許跌WATT, 預計正選未有得爭住!



進攻中場既位置誰屬, 其實直接影響雙箭頭位置, 如果出艾利, 咁朗尼呢? 推番上前? 踢曼聯時已經廢左喇, 而今季哈利簡尼及華迪分別成為球會及英超聯賽射手榜前列, 無理由唔用呀?
scontent-hkg3-1.xx.fbcdn.net/v/t1.0-9/13315363_10153451988002447_6921936733506485767_n.jpg%3Foh=f26eb5bb76af22b362bddc44cd01a880%26oe=57E338C2&h=460&output=webp&q=80&we&errorredirect=
scontent-hkg3-1.xx.fbcdn.net/v/t1.0-9/13315363_10153451988002447_6921936733506485767_n.jpg%3Foh=f26eb5bb76af22b362bddc44cd01a880%26oe=57E338C2\' style=\'max-width:680px;max-height:460px;\' alt=\'
https://scontent-hkg3-1.xx.fbcdn.net/v/t1.0-9/13315363_10153451988002447_6921936733506485767_n.jpg?oh=f26eb5bb76af22b362bddc44cd01a880&oe=57E338C2\' ref=\'noreferrer\' />
圖片來源：
';">
按此觀看圖片


踢法及分析:
其實英格蘭一直既陣式都好平穩, 主要只係放唔同人落去, 而以往2閘既助攻力一向都強, 近有班尼斯, 梳爾, 遠有艾殊利高爾, 而今季熱剌雙閘既助攻力驚人, 相信可以維持此傳統, 由進攻中場派牌到2翼位置, 之後2閘疊瓦助攻! 而前鋒就主要等接應傳送黎入波啦! 雖然屆屆都係咁, 但一直以黎既成績都唔太好, 即使曾經有舒利亞同奧雲呢類射手都一樣, 原因可能出向進攻中場果度, 之前由於雙特獨霸英格蘭中場多年, 反效果出現令進攻唔太順暢, 不過今屆既艾利可以解決呢個問題, 此子帶波, 射波, 傳波都好正, 絕對唔似一名20出頭既球員, 而且同哈利簡尼夾慣夾熟, 但要解決朗尼既問題, 始終朗尼有一定既大賽經驗, 話唔定最後將艾利放邊路, 朗尼照踢進攻中場!


前線方面, 我K波基本上已經認定左哈利簡尼同華迪會成為正選, 呢隊組合既侵略性一流, 速度, 射門慾都充晒電! 華舒福年紀太輕, 或只作為奇兵之選, 史獨雖然保持一定入球率, 但易傷都係一個問題, 明顯已經唔係首選!


對手:
俄羅斯: 由於沙皇艾沙雲一代已經成為過去, 而俄羅斯太多夫喇, 我K波最熟只係曾經有機會去到歐洲頂級球會效力既龍門- 艾堅菲夫, 不過依家仲向國內效力CSKA, 而前線最有威脅就係辛尼特前鋒DZYUBA, 今季替辛尼特射入23球之多, 相信同英格蘭可能係一場開入球細既賽事黎!



威爾斯: 傑斯做唔到既野, 巴爾做到了, 而且巴爾剛剛幫皇馬贏埋歐聯冠軍, 而威爾斯方面, 最強就係條中場線, 巴爾, 艾朗藍斯及祖阿倫可以話影響威爾斯既生死, 其餘球員名氣唔算大, 但對住英格蘭, 要爭番一口氣成為英國一哥, 點都會踢得落力一D, 英格蘭應該要出多幾錢肉緊喇! 呢場波應該係呢組入面, 最有機會多入波既賽事喇!


斯洛伐克: 拿玻尼 - 咸錫, 基本上就係呢隊斯洛伐克既標記, 不過東歐球隊一向踢得硬淨, 我K波反而覺得最易令英格蘭輕敵失分就係呢隊!


弱點: 12碼決勝, 同埋最主要又係因為我K波點左佢燈囉!


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

留言


請按此登錄後留言。未成為會員? 立即註冊
  • Akakak 於 02/06/2016 評論 NO. 1

    終於有篇冇咩錯漏，而且分析算準確既文