[白飯魚的紀念冊]

K波說故事 於 23/05/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

白飯魚,對於我K波黎講, 就好似細個一個好好, 好好既朋友,放學後,放假時,或者向屋企,都長伴左右! 而隨著年紀既長大,呢位好朋友,就好似讀書畢業後各散東西一樣,對於依家既我,白飯魚,只出現在記憶內。


首先,我K波要同年輕一代既大家介紹番,白飯魚跟羽毛球既分別!

白飯魚: 其實白飯魚叫白鞋,由於有D人覺得呢對白鞋全身白色,望上去就好似2條大大既白飯魚,於是開始叫佢白飯魚。
而且價錢便宜,適合平民學生,街坊,地盤叔叔,的士叔叔,麻甩佬等等人仕歡迎, 自此白飯魚便HIT起黎喇! 但係, 由於白飯魚結構單薄,除左唔可以幫對腳提供足夠既保護之外,仲可能因為咁而引致受傷, 之不過咁, 有弊都會有利既, 亦都係因為皮薄呢個原因, 一般踢開街場既進攻球員或者鐘意上腳既球員, 就特別鐘意, 因為球感會好D, 就有如0.03一樣既感覺, 爽YY! 而白飯魚其實同”雙金錢”呢個國產牌子畫上了等號!


羽毛球鞋: 顧名思義, 其實主要係用黎打羽毛球, 而且都係適合中小學生既平民所用,不過由於價錢相對白飯魚貴, 但外觀又唔見得好靚, 所以並未有白飯魚咁普及!


不過對於踢開街場既波牛, 羽毛球鞋都係一個不錯既選擇, 而且結構較白飯魚厚, 能保護對腳多一點點……同時都耐用一點! 相對地, 多數以後衛, 防守型球員較喜歡!

好喇, 介紹完呢2種鞋, 其實去到舊式鞋鋪, 如果你只係講 “唔該俾對白鞋丫”, 咁就睇你好唔好彩喇, 隨時條仆街會求撚其俾對鞋你, 而自命瀟灑既我, 俾完錢, 拎對鞋就咁走左去, 去到球場, 一打開!!!!!!”仆街, 羽毛球鞋黎既喂”, 結果都係要焗著, 當然, 借口就係咁樣黎, 果日踢波咪踢得唔好囉! 如果踢得好, 就會自我感覺超級良好地覺得, 如果著番白飯魚, 我今日表現仲勁!!!!!YO!

所以, 去到鞋鋪, 如果你真係想買對白飯魚而唔係羽毛球鞋, 請記得同職員講明”雙金錢, 39號”! 唔好唔記得, 仲要講埋”綁帶”, 我K波試過, 真係試過, 條仆街俾左對”無綁帶”既白鞋俾我, 你老味! 一射完個波, 對鞋都飛左出去……………..


原來買對白鞋踢下波都咁撚煩! 真係屌你!


而白飯魚既商業價錢, 都由我K波細個時既16,17蚊一對, 慢慢升到去23,24蚊一對, 依家幾錢對? 我真係唔知喇……………點解? 由於我K波對腳已經傷痕累累, 再昔白飯魚已經保護唔到, 唯有於5,6年前左右, 開始轉著波BOOT喇!


波BOOT賣成幾舊水一對, 踢波真係好貴, 而對於當年我K波既學生年代, 買對十幾蚊對既鞋黎踢波, 已經好足夠, 但如果你有幸入到校隊, 要去踢學界賽, 去人造草, 真草場比賽時, 你著住對白飯魚? 恭喜你, 你會跣到仆街! 而且泥地仲會將你對白鞋洗禮! 結果, 想踢校隊? 買隊波BOOT啦, 要有膠粒架!

咁當然, 平時去番街場踢, 你著對膠粒去? 咪撚傻啦! 所以白飯魚仍然係我K波細個最常伴左右既知心好友!


咁我K波同白飯魚仲有咩共同回憶寫落紀念冊呢?
-仍記得有時D白飯魚, 果日新買, 踢完一日幾粒鐘, 唔知果日出左乜奶力, 一日乍, 穿晒頭, 又或者穿晒底! 咁就要說再見!
-又有D時候, 由於落左場雨, 踢完場波, 對白飯魚又濕又殘, 但只要未穿窿, 仍然對佢不離不棄!
-由於有時一對白飯魚, 左腳爛左, 右腳未爛, 你地知啦, 窮苦學生, 留番隻未爛果邊, 買過對新時, 就會留起未爛而又新果邊, 下次著喇! 幾咁慳家! 慘就慘在……….某一天返學時當自己感覺自己將有如朗拿度上身既時候, 放學去到球場, 一打開對鞋, “屌, 2隻右腳”, ON9嗎?
-對白飯魚個底穿左, 點知球場附近又無得買對新既時候, 呢個時候, “阿姐, 俾盒檸茶黎”, 飲完後, 將個飲品盒壓平, 攝落鞋底繼續踢囉咩呀!!!!!!!
-去到球場先發現買錯”無綁帶”白鞋, 被班波友恥笑, 係恥笑都算, 結果嘗試用唔同方法綁實對鞋踢, 最後, 谷9氣, 索性唔著鞋踢!
-有時對白飯魚鬆, 射波時, 隻白飯魚同個波同時射出, 點知守龍條友真係被FAKE, 向住白飯魚飛埋去, 你估好卡通咩? 唔好意思, 我K波同班波友都真係試過!

其他可能仲有好多好多………………….但無論點都好, 白飯魚, 你永遠都佔據我K波足球史上一個重要既位置!!!!!!!!

https://www.youtube.com/watch?v=H6z8I4ZZ5GA

K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

留言


請按此登錄後留言。未成為會員? 立即註冊
快捷鍵:←
快捷鍵:→