[英超補賽 - 韋斯咸ＶＳ曼聯]

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY



香港時間: 5月11日凌晨2點45
英超: 韋斯咸 VS曼聯


今晚英超有場補賽, 撞正第五名對第七名(sor9ry, 之前打錯第六, 謝讀者提點, thx 9 you ), 去到季尾, 呢D位置, 有乜好爭? 唔撚睇都罷就啦! 你錯撚晒喇!呢場波, 對於鎚仔幫黎講, 雖然要再打入頭4名,似乎已經無晒機會,但係,一黎保住下季歐洲賽既位!二黎,緊係要報番足總盃被踢出局之仇啦!加上主場謝幕, 老虎蟹都精神D! 不過隱憂就係上場波, 主場都被天鵝炒4比1,呢場波都間接打破爭入前4既希望!灰撚晒! 而且正選門將"阿! 早安"傷撚左, 後備條友雲杜夫似乎唔太掂當! 如果曼聯今場射多D波,可能會考起呢位後備門將! 不過呢個咪就係紅魔今季最弱既野囉! 聯賽榜前8位入面, 曼聯入波最撚少, 真係想打撚7佢, 入得44球!其實同尾10位既球隊入球數字同LV! 星期六場波如果唔係馬達救V92一命, 呵呵!

之不過, 曼聯今季既防守力,好彩有迪迪仔向度,暫時只失31球,只係比熱剌失多1球咁大把!咁呢場波咪好少入波.............買入球細喇快! 你又咪撚咁心急先得架!


唔好唔記得, 呢場波如果曼聯拎到3分, 就可以反CUP曼城上第四, 下場主場對般里茅夫, 都食左一半啦! 所以今場先最關鍵, 如果和波, 就繼續落後曼城1分, 即使尾場數夠20球, 只要曼城一贏波, 就無撚用喇! 所以你話V92呢場會唔會搏老命先? 隨時心急起上黎, 叫傑斯出場幫手踢添! 點解? 因為馬迪爾應該傷左唔出得, 咁左翼邊個踢? 迪比? 唔撚係呀? 贊奴沙? 佢出黎玩架乍喎! 咁..........傑斯, 你去熱身!
屌, 你咪撚玩啦!


其實呢場波咩賽果都唔緊要, 最緊要, 準備定一包花生, 今晚睇下佢地點死!真係悶既, 最多捱半場訓囉! 睇曼聯波, 又唔係未試過架啦!



K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY