[9搓惹的禍]

重點係搓完個波, 就彈番轉頭, 又搓過, 到最後, 2個下場:
1.失左個波, 俾人打突擊
2.9搓一輪後, 回傳再回傳, 全場控球比率高達7成, 不過射門次數低達5次以下


巴塞向哥迪奧拿旗下既時候, 用雙核小白同沙維向中場COOL住個波, 對手根本就搶唔到, 都係搓黎搓去, Tiki Taka, 而重點黎喇, 當你以為巴塞班球員向度搓黎搓去, 突然, 屌, 個節奏加快左一倍既? 巴塞班友已經搓到去禁區, 又或者, 個波Tiki Taka之後, 去左美斯隻腳下面, 之後痴住個波咁跑去龍門入埋…………..



https://www.youtube.com/watch?v=XfjzwLL-Ubc
睇完段片, 其中一個因素, 你要有美斯呢個隊友? 咁阿仙奴呢?

其實阿仙奴之前都被人屌9左好耐, 又係9搓, 但搓唔入, 不過被人踢反擊, 大家一齊睇下呢條片:
https://www.youtube.com/watch?v=HTlDSs4kjFc
睇完, 其實阿仙奴既Tiki Taka有時仲快過巴塞, 不過重點黎喇, 其實Tiki Taka既真諦唔係要快, 而係節奏, 當對波以同一個節奏將個波彈黎彈去, 彈黎彈去, 對手(及觀眾)會慢慢跟左果個節奏, 但係突然間, 節奏加快左, 彈, 彈再彈, 就彈左入去攻門喇, 呢個就係巴塞既恐怖。

而阿仙奴, 雖然佢地都係以同一個節奏將個波彈黎彈去, 彈黎彈去, 對手(及觀眾)會都跟左果個節奏, 但係本身呢個節奏佢地已經向中高速, 突然間加快左到高速既Tiki Taka, 對手可能會因為太快而唔慣被攻門, 但由於由慢至快既差距不夠遠, 所以有時對手係適應到既, 當然地, 攻門球員既把握力都好重要, 否則, 彈到入小禁區都將個波炒飛機啦!


好喇, 咁今季既曼聯呢? 佢地多數既控球率高達7成, 但佢地既搓, 係向外圍搓, 而且一直以一個中低速去搓, 絕少去做Tiki Taka既彈彈彈, 一試就可能彈失左, 之後既情況, 與巴塞突然轉變節奏既情況相反, 因為曼聯自己班球員以一個低中速自HIGH緊, 但如果突然失左個波, 對手踢突擊, 就會好撚快咁攻到去曼聯後防食迪迪仔味雪糕, 一個一個既雪糕筒任君品嘗!


而且, 即使佢地做到Tiki Taka彈入去禁區, 可能真係疏於練習, 把握力極低, 偶有神來之筆但成功率極低, 望下美斯, 再望下朗尼!


慢慢地, 班球員可能受V92既命令下, 咪搓黎, 又唔敢搓入去, 咪再搓囉…………..慢慢……….形成了9搓…………….


連史高斯都話boring:
https://www.youtube.com/watch?v=AwD4SocrNCE
球迷既反應是最真實的:
https://www.youtube.com/watch?v=93K2mjwM_lY
K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY