[一個人看球賽] 下

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY

如欲觀賞[一個人看球賽] 上, 請CLICK入以下連結啦!
http://football.fanpiece.com/kballstory/%E4%B8%80%E5%80%8B%E4%BA%BA%E7%9C%8B%E7%90%83%E8%B3%BD-%E4%B8%8A-c1217550.html

第三, 當你真係好鐘意足球時, 你會好想研究, 欣賞佢地既踢法, 如果一班人一齊睇波, 你永遠唔會做到呢件事, 即使大家有討論, 都係9吹! 又或者為啖氣盲撐…………….你有無見過一班人睇波, 之後見到某一球, 再討論應該點踢點踢, 之後再認真討論點走位, 點處理? SORRY, 無, 可能係我D濕9朋友唔會咁啦!

第四, 例如依家熱門既英超時段, 有時會同西甲/德甲撞到正一正, 咁啱撞正睇緊果場悶到嘔電, 9搓黎搓去又唔肯射門果D, 有時都想轉下台架, 又或者自己打FIFA好過睇班廢柴9搓, 一班人睇波, 你既自由度大大減低了, 有時, 仲可能會轉去電影台睇下爛片架麻…………


第五, 假設你自己係直播區主人家, 如果朋友話要上黎睇波, 睇時緊開心, 走時就失暈, 玩完既野周屋放, 垃圾汽水一大堆, 叫得朋友黎睇, 睇完唔通仲幫你洗埋碗, 拖埋地先走咩, 一次半次, 大戰喜慶當然無問題啦, 但如果個個星期都係咁, 就真係關人鬼事喇!


第六, 都應該係最重要架喇, 睇波通常都會好投入, 而且緊有一隊支持既愛隊, 如果自己支持果隊愛隊踢得好廢, 又撻Q, 又零射門, 又9搓, 或者被人大炒, 當你自己一個人睇波, 你可以選擇, 小佢老味, 熄機, 放聲大鬧, 黑面……………但如果一班人睇波, 你會係被人串果個, 好彩既, 成班人支持同一隊又贏波, 咪一齊開開心心囉, 一個唔好彩輸波收場, 成班人睇完場波, 西口西面咁離開……….咁就無謂啦! 除非你對自己既愛隊有百分百信心, 又或者你係一個勝利球迷啦!

所以, 除非有乜喜慶活動, 溝女食飯唱K直落, 否則, 我都係鐘意一個人自己睇波喇, 做個宅男吧!



睇得完[一個人看球賽] 上, 下既你, 相信一定有唔少呢類經歷架喇, Sad but True!

K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY