2017/18英格蘭超級足球聯賽第八周 - 利物浦 V 曼聯
開賽日期及時間: 10月14日 - 19:30
利物浦方面: 9月份對於利物浦並唔好過, 球隊7戰只得1勝, 2場歐聯雖然不敗, 但都未能贏波, 球隊進攻重心古天樂回歸, 的確對利物浦好重要, 加上沙拉呢位快馬, 但機會有喇, 係入唔到波, 即使上場波法明奴做後備, 換上史獨都係攪唔掂, 只能作客同找卡數踢成1:1, 點知另一位更重要既快馬文尼又係踢國際賽而傷左, 真陰公。 利物浦進攻機會唔洗擔心, 只係驚入唔到波, 加上後防其實唔算穩陣, 攻唔入, 隨時就俾人入番波就慘喇!
曼聯方面: 開季至今氣勢迫人, 加上攻力強勁, 防守力又好, 至今英超只失2球, 進攻方面靠晒盧卡古, 華舒福, 馬斯亞同MK仔, 即使爆炸頭剛受傷, 普巴又仲傷緊都唔洗怕, 而車仔送既禮物 - 馬迪亦令曼聯中場問題解決, 後防只要穩定發揮, 要射破埋今季上身既迪迪仔都唔易!
K波預估戰況: 雖然從以上所睇, 曼聯好似好多野都好好, 不過要留意利物浦對強隊特別醒, 高普果家波就係要同你鬥到底, 所以今場主場更加希望反底成功, 仲要向死敵身上拎分先最開心, 而且沙拉要向摩佬一報當年棄用之仇, 力都出多兩錢。 當然曼聯都唔會咁易俾你贏到波啦, 話晒今季成績一流, 點會想衰俾死敵呢, 而且馬達對親利記都會有料到, 撞正馬達開左齋, 呢場應該會繼續正選, 不如1:1打和啦!
K波預估賽果: 利物浦 V 曼聯 - 1:1
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊