[2017/18英格蘭超級足球聯賽第二周 - 熱刺 V 車路士]

K波說故事 於 18/08/2017 發表 收藏文章


2017/18英格蘭超級足球聯賽第二周 - 熱刺 V 車路士


開賽日期: 8月20日晚上 - 23:00



熱刺方面: 首場作客升班馬紐卡素, 壓就壓住黎踢喇, 不過唔去到對方踢少一人都唔可以入波, 而且其實佢地既方程式無變, 仍然都係哈利簡尼配阿里, 前者走出黎拎波之後再入攝接應, 後者就做輔鋒角色衝入去禁區攻門, 命脈其實係艾歷臣! 雖然無咩買人, 但同時無咩賣人, 只係上季尾段已經無左正選位既獲加, 影響不大, 穩定同年青就係熱刺現時最佳既武器!





車路士方面: 正所謂, 屋漏兼逢連夜雨, 沙皮同干地反面, 夏神受傷, 盧卡古被搶, 結果首場聯賽仲要主場輸俾般尼, 而且仲有2名球員包括卡希爾及法比加斯紅牌停賽, 車仔依家可以出場既球員唔多, 或者令干地以一個防守陣式黎迎戰熱刺, 柏度能否出場仍是個謎, 摩拉達首場即開齋或有望爭贏巴舒阿伊既正選位! 不過始終最擔心都係中後場點攪, 簡迪可唔可以一個頂得住條中路..............




K波預估戰況: 熱刺新主場, 雖然上季於溫布萊既成績好一般, 不過今季正式坐正呢個地方, 希望有D改善啦, 而且車仔有卡希爾同法比停賽, 中路唔夠人用, 得番簡迪一個頂住, 熱刺最強就係中路入攝, 呢場波絕對係大好機會去擊敗車仔! 留意番, 干地或者以防反戰術黎應付熱刺, 中場簡迪係咪可以以一敵百係好重要, 自上季開始簡迪已經有埋轉守為攻既能力, 不過呢場波, 要頂住熱刺之餘仲要去攻真係........所以我K波都係睇好熱刺多D喇!


K波預估賽果: 熱刺 V 車路士 - 3:1


K波

鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→