2017/18英格蘭超級足球聯賽第二十五周 - 熱刺 V 曼聯
開賽日期及時間: 2月1日凌晨 - 4:00
熱刺方面: 於足總杯只能迫和乙組仔紐波特郡, 雖然場波派出多名副選, 不過下半場都出埋小孫同呀里落場都係無咩用, 反而哈利簡尼繼續強勁, 但普帥用得哈利仔咁盡似乎有D危險喎。艾歷臣同洛里斯都因病避戰, 如果佢2個出得番, 將對熱刺既攻守都好有幫助。施素高狀態唔係好得同埋成日想表現自己, 可能用番雲耶馬會穩陣D, 今場主場出擊, 熱刺一定主攻。
曼聯方面: 山神既地標戰有唔錯既表現, 不過仲未同普巴, 馬施亞等等配合, 似乎仲未知道山神來投既影響有幾大, 不過防守方面有迪迪仔就真係好安心, 而佢身前既史摩寧同埋一代鍾斯呢期都合作得唔錯, 不過防中既馬迪會唔會配爆炸頭黎個大巴陣呢? 呢期狀態火熱既美斯連格會唔會又有神奇表現呢? 作客波, 打防反, 合晒摩佬河車啦。
K波預估戰況: 曼聯有山神加盟幫拖, 熱刺有主場加上哈利簡尼入球停不了, 不過2隊既門將都有番咁上下咁強, 呢場波, 相信會係5/5波之餘, 入波都未必多, 1:1可能都係唔錯既選擇。
K波預估賽果: 熱刺 V 曼聯 - 1:1
回顧上一季曼聯作客熱刺既片段啦:
https://www.youtube.com/watch?v=41trtLD6juc
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊