又係戴志偉, 今次係倒掛金勾喇, 我K波同班波友的確成9日講好易乍, 只要乜7乜7, 結果落場有機會時, 咪9跳頂下個波………….


黎到立花兄弟既一飛衝天彈跳射球, 細個睇果時仲覺得唔係無可能丫, 當由小學雞慢慢進化後, 再睇番, 都痴撚線既, 你試俾我睇丫! 講個秘密大家知, 我K波細個真係有波友向球場試玩 ( 當然唔係鬥緊波時啦 ), 結果…………..上面果個仆街跌左落黎, 下面果個條腰扭傷左, 整整2個月, 無得重振雄風……….( 我K波相信仍然有得坐下蓮既 )

講到呢度, 點解無提過戴志偉個黃金拍擋麥泰萊既? 可能作者高橋陽一都想向佢既幻想世界入面, 留一點真實! 呢個係泰萊既簡介: 有「球場藝術家」之稱，腳法非常秀麗，是球場上最佳的輔助良將，亦是戴志偉的黃金拍檔。曾於效力日本青年軍時遇上車禍重傷，以致失去加盟海外球隊法國巴黎聖日耳門的機會，於決賽一役中成功復出。於《足球小將Golden 23》沒有戴志偉在陣的日本奧運隊當中擔任正選進攻中場，與松山光及三杉淳三人組成「3M」中場線，是日本奧運隊的中場重心。

咁佢既絕招呢?
雙人射球: 與戴志偉合作, 呢招唔係無可能既事黎, 我K波細個同波友玩時, 講好一齊跑去射個波, 一個踢正個波既左邊, 一個踢向個波既右邊, 結果成功率係百份之一左右啦, 而呢一次既成功, 個波射出黎同黃金拍擋射出黎既效果………….算啦, 我地都係唔好提啦! 但都叫做有咁既可能,……………

回力刀射球同3S射球: 雖然都有D誇張, 但都只係落西, 加上呢2招都等到泰萊長大成人之後, 畫到無野好畫時先創作出黎既……….

兒時既麥泰萊, 唔計顏面射球既樑仔之外, 應該算係足球小將入面, 最正常既主角黎喇, 佢通常只會有一扭幾既畫面, 而且關於佢既場口都相對正常而合理, 正常既走位, 正常既射門, 正常既防守與及正常既人物性格, 可能作者高橋陽一想話俾讀者知道, 即使呢套漫畫帶俾大家幾多幻想既空間, 幾多夢想, 佢其實都係一個正常人黎既……………………..


K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY