[越野電單車 - 祖亞昆]

K波說故事 於 03/08/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

祖亞昆, 出生於1981年7月21日, 現年35歲, 西班牙職業足球員, 現效力母會皇家貝迪斯, 司職右翼, 2001年, 以20歲之齡出道, 其驚人速度, 爆炸力, 盤扭推進及過落底線傳中既技術, 曾經令西甲既豪門巴塞及皇馬吃盡苦頭! 2002年便已經入選西班牙國家隊出戰世界盃!



於西甲小型球會皇家貝迪斯中, 祖亞昆可以話係一粒鑽石, 由於貝迪斯並不是什麼大球會, 實力只屬中下, 祖亞昆既能力便正正配合球隊戰術, 以突擊為主, 帶波快速推進, 之後落底線, 或自行爆入禁區射門得分, 1米79既佢步大力雄, 彷如一部越野電單車般於右路狂奔, 追又追唔到, 捉又捉唔到, 當時曾經令西班牙國家隊既右翼位置看出一道光芒!

2002年世界盃出色既表現, 令祖亞昆更受注目, 吸引全球勁旅既眼光, 包括意甲既祖雲達斯, 國際米蘭以及英超既曼聯都對其相當有興趣, 但祖亞昆始終鐘情西班牙, 更曾傳出皇馬想出手將其招攬, 但因為皇馬本身內亂, 換領隊頻頻, 一直只聞其腳步聲, 卻未見其出價, 但祖亞昆仍然每季保持水準, 一直以一部越野電單車出現, 更帶領貝迪斯此小球會到達歐聯戰場, 直到去2005/6球季, 車路士正式以4500萬歐元務求把祖亞昆帶到英超, 但祖亞昆個人意願是留在西甲, 結果最終只有西甲球會華倫西亞願意出價2500萬歐元, 最終也只以此轉會!


轉會華倫西亞後既祖亞昆, 曾經予人期待萬方, 左維辛迪, 右祖亞昆既呢對西班牙國家隊隊友能為華倫西亞帶黎如何驚人既威力, 但由於球隊戰術並不像貝迪斯般單以突擊為主, 嘗試小組下既祖亞昆, 並未能發揮其真正威力, 可能只有貝迪斯時代既一半水準下, 成為了水貨, 表現令人失望, 似乎呢部電單車未入滿油! 到了2008/9球季, 祖亞昆重新上力, 再次於右翼位置風馳電電掣, 越野電單車重新出發, 可惜一代新人勝舊人, 馬達於華倫西亞慢慢掘起, 維辛迪及大衛施華表現也優異, 加上韋拿已佔一必然正選下, 祖亞昆不時只能於後備席等開車………..




更不幸既係, 2008/9球季, 華倫西亞成績不濟, 傳出球隊要變賣球員節省開支, 結果一季之後, 韋拿出走巴塞, 祖亞昆既處境不變, 繼續於後備之位置浮沉, 終於到了2011/12球季, 轉會西甲另一球會馬拉加, 雖然於馬拉加出場次數有所增加, 但始終球隊實力未能維持高水平, 2013/4球季轉戰意甲球會費倫天拿!


經過2季既打拼, 33歲既祖亞昆於意甲既表現也只算是不過不失, 結果決定重返母會皇家貝迪斯效力, 雖然上季出場32次有得1個入球, 但其老大哥對於球隊既影響力卻起了不少作用, 經過了15年既努力, 祖亞昆再次回到貝迪斯身邊, 而貝迪斯於西甲既位置, 也維持於中游球隊之列! 但呢部越野電單車, 依家已經唔可以好似以往般飛奔, 要學習由一部越野電單車變成一部懂得以節奏為主既綿羊仔吧!




https://www.youtube.com/watch?v=ubdXGMRmmR4

祖亞昆既國家隊生涯只有5年時間, 幸好也經歷了2屆世界盃及有不錯既演出, 但隨著巴塞幫既日益壯大, 加上祖亞昆於華倫西亞年代開始既下滑表現, 只有51次喼帽既祖亞昆慢慢從西班牙國家隊教練既SHORTLIST中刪除! 或者, 祖亞昆呢類傳統既翼鋒球員, 如果唔轉型, 的確難以維持高水平, 但祖亞昆全盛期既電單車般演出, 的確令人印象深刻!

https://www.youtube.com/watch?v=xOLzw2bH4lY




K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

部分資料來源: 維基

留言


請按此登錄後留言。未成為會員? 立即註冊
    快捷鍵:←
    快捷鍵:→