[英超最後爭霸] – 上

K波說故事 於 04/03/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY


又係我K波, 今次同大家講講英超啦, 今季既英超其實你話好睇咩? 又唔係, 但悶咩? 又好多爆冷, 車仔好似中左降頭咁, 季初我睇足佢咁多場輸波, 唔係踢得差架喎, 有攻勢架喎, 又係入唔到波, 吹咩?! 好喇, 魔佬走喇, 肫仔希上任, 依家又爬番上黎, 雖然爭前四就危D架喇, 但最少唔洗打護級丫!


不過今次我K波想講既, 係英超爭霸, 即係今季無車仔份架喇, 先講下

第五既曼聯:


曼聯: 28場 – 47分

曼聯成績季初好左幾場之後就開始變左粒安眠藥, 最大既話題就係插9 V92, 插下肥仔朗, 插下新7號仔迪比咁, 係近排V92竟然諗到用幼齒, 死馬當活馬醫, 丫, 近幾場又俾佢得左, 踢下踢下, 又變番爭前4喎, 不過餘下10場波, 仲有曼城, 熱剌同李斯特城既波要踢, 贏得晒, 其實都仲有得爭下冠架, 不過曼聯今季出名係下游球隊黃大仙, 西布朗, 維拉, 諾域治同般利矛夫已經磨定刀等食迪迪仔架喇!


第四既曼城:


曼城: 27場 – 47分

曼城季中宣佈季尾換帥, 比我係柏帥就玩9你哥迪奧拿, 下季踢歐霸啦你, 反正今季都拎左個聯賽盃向手喇! 而且仲有歐聯呢條尾, 隨時踢到4強先黎玩野都唔定, 咁柏帥都有個聯賽盃向手, 歐聯破到球會紀錄, 聯賽失準, 咁既CV去教下一隊波, 都不仇無隊教啦! 講笑講完喇, 曼城餘下賽程曼聯, 車路士, 阿仙奴, 仲有主場強勁既修咸頓, 其實情況同曼聯, 都係不相伯仲架喇!


仲有三隊, 下次再講!

K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY[

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→