[英格蘭超級足球聯賽2016/17 - 阿仙奴 VS 熱刺]

K波說故事 於 04/11/2016 發表 收藏文章
第十周的英超賽事, 個個都講曼聯主場點攻唔入般尼, 但其實大家忽略左另一場精彩賽事, 就係水晶宮對利物浦, 雖然最後利物浦作客贏4:2, 但其實於上半場踢成2:3既賽事係非常精彩, 當然以為下半場只有1球交收就覺得會悶又係錯, 下半場2隊繼續搏鎚下, 去到71分鐘時, 水晶宮落後2:4先叫做了解場比賽。


https://www.youtube.com/watch?v=StOyr1mghtY
黎到第十一周, 不得不講倫敦打比戰, 阿仙奴主場迎擊熱刺喇掛!.


阿仙奴 VS 熱刺:


開賽時間 ( 香港時間 ) - 11月6日晚上 - 20:00

2隊簡介:


阿仙奴: 阿仙奴今季繼續其近代季初例勁既傳統, 而今季有個特別之處就係禾仔同奧燒好似食左春藥一樣強勁, 加上山齊士任中鋒都收到唔錯既效果, 攻擊力唔成問題! 而後防方面, 施治把守最後一關而且非常穩陣, 加上哥斯尼今季更加穩陣, 相信只要呢一堆主力維持唔傷, 今季阿仙奴有望挑戰英超冠軍! 今場波, 以上人任均能悉數上陣, 唔好忘記, 仲有最近爭取番唔少出場時間既銀河唯一基奧特都成日入波!







熱刺: 熱刺繼續保持今季英超球隊內唯一一隊不敗球隊, 又再次即是話, 要擊敗佢地相當困難, 一條穩定既防線已經得到肯定, 反而最擔心只係攻力問題, 孫興文近況開始有點回落, 但贊臣對於英超節奏仍然需要適應, 幸好哈利簡尼有望復出, 可以對熱刺既攻力有番些少幫助!





K波預估戰況: 2隊今季狀態都維持強勢, 不過熱刺較為慢熱一點, 而且周中既歐聯賽事, 阿仙奴由奧燒世界波絕殺對手, 熱刺則主場敗給德甲既利華, 其實熱刺上季季初都唔算突出, 而今場波似乎2隊會合演一場勢均力敵既快打快賽事! 阿記有禾仔加山齊士, 仲有奧燒去入波, 熱刺有孫興文同阿里, 而且哈利簡尼有望復出下, 但留意番, 2隊既龍門施治及洛里斯都唔易射得入, 所以估計2隊會打成平手, 平分秋色!


K波預估賽果: 阿仙奴 1:1 熱刺


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

留言


請按此登錄後留言。未成為會員? 立即註冊
    快捷鍵:←
    快捷鍵:→