英超第三十五周, 北倫敦打比戰, 結果熱刺技術性擊倒阿仙奴, 阿迷都無野好講喇..................
https://www.youtube.com/watch?v=ns-7kPLPIm8
黎到第三十六周, 阿仙奴又黎硬仗, 曼聯就唔洗講, 季尾佢地場場都硬仗架喇:
阿仙奴 VS 曼聯
開賽時間 ( 香港時間 ) - 5月7日晚上 - 23:00
2隊簡介:
阿仙奴: 阿仙奴依家既士氣可以話係新低點, 因為今季一定會被熱刺壓住向聯賽榜, 而且要爭前四既機會都低於50%, 呢場主場, 或者係雲加點都要贏到摩連奴既最後機會...........山齊士仲有幾多鬥心唔清楚, 奧燒望到摩連奴會唔會好掛住DADDY唔知道! 不過一向專業既施治同今季真係穩陣既高斯尼向後防就放心好多喇, 前場就睇下銀河唯一季尾有無力做下救世主喇, 始終卡蘇拿長抖真係幾大影響!
曼聯: 歐霸盃先係依家曼聯既首要目標, 咁聯賽呢? 吊住命咪繼續吊下囉, 而且已經有25場聯賽不敗紀錄, 証明要贏佢地好難, 不過以現時曼聯既兵源同狀態, 要輸俾佢地又係唔易喎! 福仔於歐霸射入靚罰球, 馬迪爾就踢左少少時間, 留呢場先出盡力都得, 應該因為睇中阿仙奴最近踢3中堅, 希望複雜車仔場波掛? 結果係咪又會同車仔場波一樣? 睇下曼聯後防咩人先算啦! 另外, 爆炸頭繼續停賽都幾係野, 無左佢, 中場攔截同高空優勢都無左! 唯一對阿仙奴最有優勢就係摩連奴對雲加既歷史了....................
K波預估戰況: 摩連奴係雲加剋星, 相信連街邊阿婆都知, 即使曼聯依家傷兵滿營加上志在歐霸盃, 現時士氣超低落既阿仙奴都幾難贏到曼聯, 加上唔好忘記曼聯今季作客勁過主場10倍, 仲要有馬迪爾只踢左歐霸盃首回合少少時間, 留力呢場同阿仙奴班後防爆過, 阿仙奴都幾難攪! 好彩既係, 曼聯後防都唔見得好得去邊, 無咩人既情況下, 山齊士可能搵到D著數, 反正無人有著數, 又黎和多場囉!
K波預估賽果: 阿仙奴 VS 曼聯 - 2:2
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊