[英格蘭超級足球聯賽2016/17 - 熱刺 VS 車路士]

第十九周的英超賽事, 前六球隊終於有隊失分喇, 因為強強對碰, 結果利物浦由雲拿杜姆既入波一頭定江山殺退曼城!.


https://www.youtube.com/watch?v=tJbUPzvrqD4

黎到第二十周, 再揀呢場波講其實更加無異議喇, 熱刺主場迎戰13連勝既車路士!!!


熱刺 VS 車路士:


開賽時間 ( 香港時間 ) - 1月4日晚上 ( 1月5日凌晨) - 4:00

2隊簡介:


熱刺: 熱刺自從12月初作客敗於曼聯1:0後, 便展開4連勝, 而且攻力強大, 4戰入13球之多, 哈利簡尼搵番對射門鞋, 加上阿里腳風什順下, 攻力十足, 但留意番就係艾歷臣之重要及孫興文近況有點回落, 一旦艾歷臣被MARK死, 就要睇下孫興文到底係調整期定狀態開始回落喇! ! 不過熱刺今季之強, 除左攻力外, 仲有防守力, 其實19場英超只輸2場, 其中一場為曼聯, 另一場就係今場對手車路士, 固呢場波, 熱刺主場必想報仇下, 士氣會踢高一線!





車路士: 13連勝平阿仙奴歷來單季最佳連勝成績, 干地既3-4-3真係令成班車仔球員變番做烈火戰車, 而車仔呢個陣式最重要其實在於控制中場中路, 之後配以快速突擊, 由沙皮及夏神去攻堅! 當然, 沙皮今季既集中力真係值得一讚, 而柏度都完全融入左干地既體系中, 唯一不足之處可能係卡希爾偶有既炸彈, 其危險度今季比雷斯有過之而無不及, 而且古圖斯成日想轉會, 集中力成疑, 幸好防中位置有個干提向度掃Q晒, 令後防線壓力大減!!!



K波預估戰況: 雖然車仔13連勝強勢真係勇不可擋, 沙皮, 夏神都有上佳表現, 但熱刺真係唔易贏, 仲要呢場係作客添, 而且熱刺既哈利簡尼已經入番波, 不過2隊既防守力都強勁下, 可能2隊會向中場激鬥一輪, 等待對方既後防有失誤, 不過等還等, 可能等極都無既情況下, 最後開紀錄可能要靠死球攻勢, 呢方面2隊都不分上下, 車仔有卡希爾, 熱刺有艾達維特, 最後可能各入1球死球完場都唔定!

K波預估賽果: 熱刺 1:1 車路士


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY