[英格蘭超級足球聯賽2016/17 - 熱刺 VS 李斯特城] 精選

第九周的英超賽事, 車路士主場大炒回歸史丹福橋既摩連奴(曼聯)4:0, 個心都真係離一離架。


https://www.youtube.com/watch?v=TKco9TlTmRk
黎到第十周, 最精彩果場波, 應該都係熱刺主場迎戰李斯特城, 不過2隊都有後顧既歐聯賽事..............


熱刺 VS 李斯特城:


開賽時間 ( 香港時間 ) - 10月29日晚上 - 22:00

2隊簡介:


熱刺: 熱刺仍然係今季英超球隊內唯一一隊不敗球隊, 即是話, 要擊敗佢地相當困難, 因為有發揮穩定既龍門洛里斯, 加上一條後防線, 而且熱刺一向攻強於守, 加上搶錢踢法, 令後防既壓力都減輕不少, 不過前線方面, 由於射手哈利簡尼受傷下, 本以為要靠新加盟既贊臣但其入球能力仍有待觀察不過就彈左孫興文上黎, 近仗出色表現相信今仗會繼續正選登場, 但艾歷臣可能會休戰留力歐聯, 幸好仍有艾里在陣, 創造力不減, 而其實最重要既攻擊力在於2側, 其實此為最擔心既事, 因為獲加與露斯為常規球員, 基本上無同級替補可換下, 幾時現疲態呢?





李斯特城: 狐狸今季英超開局好差, 9戰已輸4場和2場, 幸好剛剛以3:1主場贏水晶宮補補血, 但歐聯卻已經3連勝, 黎緊一仗歐聯只要力保一分, 穩奪出線權後, 其後便可專心英超賽事, 所以今場波, 雲尼亞里應該會計過度過唔好同熱刺搏呢場, 或者會再收起華迪及馬列斯等主力, 而梅沙既速度不下於華迪下, 可能會與岡崎作為今仗突擊之用。



K波預估戰況: 2隊都有歐聯既後顧之憂, 不過李斯特城今季似乎主力歐聯, 聯賽最緊要保住護級為上, 今場作客熱刺, 本身已經係一場硬仗, 相信唔會同熱刺硬碰, 而熱刺要繼續其前列爭冠之路則不能失分下, 今場點都要搏一搏架喇, 此消彼長, 熱刺應可穩勝李斯特城既!

K波預估賽果: 熱刺 3:1 李斯特城



K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY