[英格蘭超級足球聯賽2016/17 - 李斯特城 VS 阿仙奴] 精選

英超踢左一周喇, 有無邊場各位特別深刻呢? 我K波就緊係揀阿利戰啦, 4:3, 7個入波, 仲要好多都靚波黎, 而今周, 唔好俾雲加抖抖, 繼續揀阿仙奴黎吹2咀:


https://www.youtube.com/watch?v=NJTHAtwezPE


李斯特城 VS 阿仙奴:


開賽時間 ( 香港時間 ) - 8月21日凌晨12時30分

2隊簡介:


李斯特城: 無左干提既狐狸, 中場差左成個GRADE, 只靠飲水哥同京治似乎少左個人去做純防守既工作, 期待新兵文迪可以有不俗表現,令後防前既屏障得以形成, 後防方面沿用上季班底, 但中堅既靴南迪斯用波不錯,但夾唔夾隊波就大家拭目以待! 而李斯特城既攻力方面, 其實多左個梅沙, 只要華迪同馬列斯踢得番上季7成, 其實已經好強, 不過睇完馬列斯呢2場波後, 總覺得佢力不從心, 幸好剛剛已經宣佈同球會續約, 而其實岡崎既作用仲好大, 既直接, 又快速, 搶點頂波又好, 上場輸俾侯城, 我K波就嫌換佢出黎換得太遲喇!






阿仙奴: 後防大穿漏, 前場無得攻, 第一周就向主場出師不利, 而且曾經一度落後利物浦4:1, 係, 古天奴既罰球係靚, 但其後3個失球, 雖然要讚一讚利記班友把握得好, 但同時都係阿記班後防發緊夢咁, 輕易就被人踢散晒, 希望高斯尼呢場可以復出帶住班友仔啦! 進攻方面, 禾仔真係.......得個跑字, 雖然入第一球處理得幾好, 但其實佢都浪費左唔少機會架! 山齊士要D時間踢番起個態, 但都要有人配合到佢先得架, 卡蘇拿就真係明顯未夠態喇, 出到黎有D重磅, 走唔起咁! 唔提下藍斯? 仲提, 傷埋啦！雲加, 買唔買人? 仲有時間喎!


K波預估戰況: 2隊首戰都輸, 一隊輸俾升班馬, 一隊主場輸波, 似乎士氣都低落架喇, 差在邊隊可以快D復甦, 2隊都想打落水狗, 但其實照鏡2隊都係既情況下, 把握力成關鍵了, 其實狐狸對侯城都造左唔少入波機會, 不過華迪竟然浪費晒, 而馬列斯可能成左名後, 新一季有D壓力, 踢落唔太順! 相反阿仙奴對住利記班後防, 其實做到埋門機會都唔多, 如果有銀河唯一衝下, 可能令山齊士有多D機會添, 呢2隊都唔似會玩防守既情況下, 再黎多次多入波既決鬥啦!




K波預估賽果: 李斯特城 2:2 阿仙奴

K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY