[英格蘭超級足球聯賽2016/17 - 曼聯 VS 熱刺]

第十四周的英超賽事, 好多比賽都勁多入波, 阿仙奴5比1作客炒韋斯咸, 熱刺則主場炒史雲斯5粒, 不過要數最精彩, 就緊係利物浦又輸俾般尼......矛夫啦, 仲要先贏3:1, 再反敗4:3, 精彩!!!


https://www.youtube.com/watch?v=3fln48YApvk
黎到第十五周, 又有一場硬仗喇, 曼聯主場迎戰熱刺!!!


曼聯 VS 熱刺:


開賽時間 ( 香港時間 ) - 12月11日晚上 - 22:15

2隊簡介:


曼聯: 上周既聯賽, 曼聯又失分, 又係被絕殺追平, 今季其實已經第三次, 即使伊巴係咁入波, 都補唔到後防既失誤, 你話死唔死, 而全球最高身價球員普巴今季踢得仲平淡過馬達, 最強之人其實一早已在陣中!!!! 不過幸好MK仔同埋馬迪爾都有回勇跡象, 而且肥仔朗尼今仗停賽期滿可以復出, 人腳都叫齊整, 睇下卡膠有無機會落場倒戈啦!






熱刺: 暫時只輸一場既熱刺以為被車仔打沉啦, 點知上周聯賽即炒史雲斯5粒, 最重要係球隊主力都係咁入波, 哈利簡尼, 孫興文同埋艾歷臣包辦5球, 而且周中既歐聯由於早早出局, 普捷天奴同班球員都唔洗分心下, 今仗火力應可繼續全開, 此唔好忘記今季洛里斯上晒身, 後防又唔洗擔心, 而且要繼續追趕榜首既車路士, 今仗都無失分空間, 預期將會FULL TEAM出擊!




K波預估戰況: 2隊已經被榜首既車路士拋離什遠, 如果仍然希望保持爭標, 今仗2隊都唔可以失分, 不過曼聯有迪基亞, 熱刺有洛里斯, 曼聯有伊巴, 熱刺有哈利仔, 曼聯有主場, 熱刺士氣正盛, 似乎今仗會係一場勢均力敵既賽事, 咁樣結果會唔會又係和波, 曼聯會唔會又係領先到最尾先被人追平1:1呢? 其實都幾大機會架!

K波預估賽果: 曼聯 1:1 熱刺


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY